ഗുരുവായൂർ നന്ദന് സമ്മാനമായി പുത്തൻ നാമഫലകം

ഗുരുവായൂർ : ദേവസ്വം ഗജവീരൻ നന്ദന് ആരാധകൻ്റെ സമ്മാനമായി പുത്തൻ നെയിംപ്ലേറ്റ്. കോഴിക്കോട് സ്വദേശി കെ.കെ.അനൂഷാണ് നന്ദൻ്റെ പേരുള്ള പിച്ചളയിൽ പണിയിച്ച നാമഫലകം സമ്മാനിച്ചത്. അനൂഷിൻ്റെ 51-ാം ജൻമദിനമായിരുന്നു ഇന്ന് . തൻ്റെ പിറന്നാൾ ദിനത്തിൽ ഗജവീരൻ നന്ദന് നെയിം പ്ലേറ്റ് സമ്മാനിക്കാനായതിൻ്റെ ആഹ്ളാദത്തിലാണ് ഈ ആരാധകൻ.

ദേവസ്വം പുന്നത്തൂർ ആനത്താവളത്തിൽ നടന്ന ചടങ്ങിൽ അനൂഷിൽ നിന്നും നാമ ഫലകം ജീവധനം ഡെപ്യൂട്ടി അഡ്മിനിസ്ട്രേറ്റർ കെ.എസ്.മായാദേവി ഏറ്റുവാങ്ങി. പാപ്പാൻമാർ നാമഫലകവും നന്ദനെ അണിയിച്ചു. അനൂഷിൻ്റെ കുടുംബാംഗങ്ങളും ദേവസ്വം ജീവനക്കാരും ചടങ്ങിൽ സന്നിഹിതരായി