ഗുരുവായൂർ : അനവധി കാലം ഗുരുവായൂരപ്പന്റെ സേവകരായി ഗുരുവായൂർ ദേവസ്വം സർവീസിൽ നിന്നും വിരമിച്ച ജീവനക്കാർ ഗുരുവായൂരപ്പന്റെ തിരുനടയിൽ 115 വർഷം മുമ്പ് 1909 ആഗസ്റ്റ് 17 ചിങ്ങം ഒന്നിന് സ്ഥാപിച്ച പുരാതനമായ ദീപസ്തംഭം തെളിയിക്കൽ വഴിപാട് നടത്തുന്നു.
സേവനത്തിനുശേഷം ലഭിക്കുന്ന പെൻഷൻ തുകയിൽ നിന്നും ഒരു വിഹിതം തന്റെ ഇഷ്ട ദേവനായ ഗുരുവായൂരപ്പന് ദീപസ്തംഭം തെളിയിച്ചു കൊണ്ടാണ് പെൻഷൻകാർ പുതുവർഷം ആരംഭിക്കുന്നത്.
കഴിഞ്ഞ 3 വർഷം മുമ്പ് ആരംഭിച്ച മഹത്വമേറിയ ദീപസ്തംഭം തെളിയിക്കൽ വഴിപാട് തുടർ കാലത്തും നടത്തുന്നതിന് ആവശ്യമായ സംഖ്യ സംഘടന ദേവസ്വത്തിൽ എൻ്റോമെൻ്റ് ചെയ്തിട്ടുണ്ട്.
എല്ലാവർഷവും ഗുരുവായൂർ ഏകാദശി വിളക്കും,ഭഗവതിപ്പാട്ടും,ആനയൂട്ടും , കാര്യാലയ ഗപതിക്ക് പ്രത്യേക പൂജയും പെൻഷൻകാരുടെ വകയായി നടത്തി വരുന്നുണ്ട്.
2024 ആഗസ്റ്റ് 17 ചിങ്ങം ഒന്ന് ശനിയാഴ്ച നവത്സരദിവസം പ്രഭാതത്തിലും സായംസന്ധ്യയിലും കിഴക്കെ നടയിലെ ദീപസ്തംഭം പെൻഷനേഴ്സ് അസോസിയേഷൻ തെളിയിക്കുന്നതാണ്.