ഗുരുവായൂരിൽ സി പി എം വിട്ട് സി പി ഐയിലേക്കെത്തിയവർക്ക് സ്വീകരണം നൽകി

ഗുരുവായൂർ : പൂക്കോട് മേഖലയിൽ സി പി എമ്മിൽ നിന്ന് രാജിവെച്ച് സിപിഐയിൽ ചേർന്നവർക്ക് സ്വീകരണം നൽകി. സാംസ്കാരിക പ്രവർത്തകൻ കൂടിയായ ഒ സി ചന്ദ്രൻ, ടി വി ഷൈജു, ലവ്യ സന്തോഷ് എന്നിവരാണ് സി പി ഐ യിൽ ചേർന്നത് . തമ്പുരാൻപടി വായനശാലയിൽ ചേർന്ന പാർട്ടി ജനറൽ ബോഡി യോഗത്തിൽ വെച്ച് മണ്ഡലം സെക്രട്ടറി അഡ്വ. പി മുഹമ്മദ് ബഷീർ പതാക കൈമാറി ഇവരെ പാർട്ടിയിലേക്ക് സ്വീകരിച്ചു.

ലോക്കൽ കമ്മിറ്റി സെക്രട്ടറി കെ കെ ജ്യോതിരാജ് യോഗത്തിൽ അധ്യക്ഷനായിരുന്നു. ലോക്കൽ അസിസ്റ്റൻറ് സെക്രട്ടറി ടി കെ രാജീവ്, ലോക്കൽ കമ്മിറ്റിയംഗം ഒ കെ ശശി, നഗരസഭ വൈസ് ചെയർപേഴ്സൺ അനീഷ്മ ഷനോജ്, കൗൺസിലർ സുബിത സുധീർ, സജി റോയ് തുടങ്ങിയവർ സംസാരിച്ചു.