Majlis ayurvedic

കോവിഡിൽ പകച്ച് തൃശൂർ 2,752 പേര്‍ക്ക് കൂടി രോഗം സ്ഥിരീകരിച്ചു, ടി പി ആർ 15.96%

Majlis ayurvedic

തൃശൂര്‍ : കോവിഡിൽ പകച്ച് തൃശൂർ, ജില്ലയില്‍ വ്യാഴാഴ്ച്ച 2,752 പേര്‍ക്ക് കൂടി കോവിഡ്-19 സ്ഥിരീകരിച്ചു; 2,713 പേര്‍ രോഗമുക്തരായി . ജില്ലയില്‍ രോഗബാധിതരായി ചികിത്സയില്‍ കഴിയുന്നവരുടെ എണ്ണം 11,542 ആണ്. തൃശൂര്‍ സ്വദേശികളായ 110 പേര്‍ മറ്റു ജില്ലകളില്‍ ചികിത്സയില്‍ കഴിയുന്നു. ജില്ലയില്‍ ഇതുവരെ കോവിഡ് സ്ഥിരീകരിച്ചവരുടെ എണ്ണം 3,22,004 ആണ്. 3,08,687 പേരെയാണ് ആകെ രോഗമുക്തരായി ഡിസ്ചാര്‍ജ്ജ് ചെയ്തത്. ഇന്നത്തെ ടെസ്റ്റ് പോസിറ്റിവിറ്റി നിരക്ക് 15.96% ആണ്.

Vadasheri

Astrologer

ജില്ലയില്‍ വ്യാഴാഴ്ച്ച സമ്പര്‍ക്കം വഴി 2,738 പേര്‍ക്കാണ് രോഗം സ്ഥിരീകരിച്ചത്. കൂടാതെ 09 ആരോഗ്യപ്രവര്‍ത്തകര്‍ക്കും, സംസ്ഥാനത്തിന് പുറത്തുനിന്ന് എത്തിയ 02 പേര്‍ക്കും, ഉറവിടം അറിയാത്ത 03 പേര്‍ക്കും രോഗബാധ ഉണ്ടായിട്ടുണ്ട്.
രോഗ ബാധിതരില്‍ 60 വയസ്സിനുമുകളില്‍ 163 പുരുഷന്‍മാരും 181 സ്ത്രീകളും പത്ത് വയസ്സിനു താഴെ 103 ആണ്‍കുട്ടികളും 104 പെണ്‍കുട്ടികളുമുണ്ട്.

രോഗം സ്ഥിരീകരിച്ച് ചികിത്സയില്‍ കഴിയുന്നവര്‍ –

തൃശൂര്‍ ഗവ. മെഡിക്കല്‍ കോളേജില്‍ – 258
വിവിധ കോവിഡ് ഫസ്റ്റ ് ലൈന്‍ ട്രീറ്റ്മെന്‍റ് സെന്‍ററുകളില്‍- 699
സര്‍ക്കാര്‍ ആശുപത്രികളില്‍ – 311
സ്വകാര്യ ആശുപത്രികളില്‍ – 366
വിവിധ ഡോമിസിലിയറി കെയര്‍ സെന്‍ററുകളില്‍ – 743

കൂടാതെ 6,413 പേര്‍ വീടുകളിലും ചികിത്സയില്‍ കഴിയുന്നുണ്ട്.
3,026 പേര്‍ പുതിയതായി ചികിത്സയില്‍ പ്രവേശിച്ചതില്‍ 346 പേര്‍ ആശുപത്രിയിലും 2,680 പേര്‍ വീടുകളിലുമാണ്.

17,243 സാമ്പിളുകളാണ് പരിശോധനയ്ക്ക് എടുത്തത്. ഇതില്‍ 9,217 പേര്‍ക്ക് ആന്‍റിജന്‍ പരിശോധനയും, 7,864 പേര്‍ക്ക് ആര്‍ടി-പിസിആര്‍ പരിശോധനയും, 162 പേര്‍ക്ക് ട്രുനാറ്റ്/സിബിനാറ്റ് പരിശോധനയുമാണ് നടത്തിയത്. ജില്ലയില്‍ ഇതുവരെ ആകെ 24,11,876 സാമ്പിളുകളാണ് പരിശോധനയ്ക്ക് അയച്ചത്.

അന്തിക്കാട്, മണലൂര്‍, പാവറട്ടി, മറ്റത്തൂര്‍, ഏങ്ങണ്ടിയൂര്‍, ആലപ്പാട്, അരിമ്പൂര്‍, തോന്നൂര്‍ക്കര, എളനാട് എന്നിവിടങ്ങളില്‍ നാളെ (30ന് ) മൊബൈല്‍ ടെസ്റ്റിംഗ് ലാബുകള്‍ കോവിഡ്-19 ടെസ്റ്റുകള്‍ സൗജന്യമായി ചെയ്യുന്നതാണ്. പൊതുജനങ്ങള്‍ ഈ സൗകര്യം പരമാവധി പ്രയോജനപ്പെടുത്തേണ്ടതാണ്.

ജില്ലയില്‍ ഇതുവരെ കോവിഡ് 19 വാക്സിന്‍ സ്വീകരിച്ചവര്‍

വിഭാഗം ഫസ്റ്റ് ഡോസ് സെക്കന്‍റ് ഡോസ്
ആരോഗ്യപ്രവര്‍ത്തകര്‍ 48,860 41,520
മുന്നണി പോരാളികള്‍ 39,209 27,165
18-44 വയസ്സിന് ഇടയിലുളളവര്‍ 2,50,333 26,626
45 വയസ്സിന് മുകളിലുളളവര്‍ 7,95,278 3,92,036
ആകെ 11,33,680 4,87,347

Astrologer