ഗുരുവായൂരിൽ സി ഐ ടി യു നേതാവിന്റെ മകളെ ആത്മഹത്യ ചെയ്ത നിലയില്‍ കണ്ടെത്തി
ഗുരുവായൂർ : ഗുരുവായൂരിൽ സി ഐ ടി യു നേതാവിന്റെ മകളെ ആത്മഹത്യ ചെയ്ത നിലയില്‍ കണ്ടെത്തി. വഴിയോരകച്ചവട തൊഴിലാളി യൂണിയന്‍ സി.ഐ.ടി.യു സംസ്ഥാന സെക്രട്ടറി, ഗുരുവായൂര്‍ ചാമുണ്ഡേശ്വരി ക്ഷേത്രത്തിന് സമീപം രായംമരക്കാര്‍ വീട്ടില്‍ ആര്‍.വി.ഇഖ്ബാലിന്റെ മകള്‍ ഇസ്‌നയാണ് ആത്മഹത്യ ചെയ്തത് . ഗുരുവായൂര്‍ ശ്രീകൃഷ്ണ ഹയര്‍സെക്കണ്ടറി സ്‌കൂളിലെ എട്ടാം ക്ലാസ് വിദ്യാര്‍ത്ഥിനിയാണ്.
ഇന്നലെ രാത്രി 11.30ഓടെ വീടിന്റെ മുകള്‍ നിലയിലെ മുറിയിലാണ് ഷാളില്‍ തൂങ്ങിയ നിലയില്‍ കുട്ടിയെ കണ്ടെത്തിയത്. ഉടന്‍ തന്നെ മുതുവട്ടൂര്‍ രാജ ആശുപത്രിയിലെത്തിച്ചെങ്കിലും മരണം സംഭവിച്ചിരുന്നു. . കേരള ബാങ്ക് ഗുരുവായൂര്‍ ശാഖയിലെ ജീവനക്കാരി റഷീനയാണ് മാതാവ്. ബിരുദ വിദ്യാര്‍ത്ഥി ഇര്‍ഷാദ് സഹോദരനാണ്
