കാപ്പ നിയമ പ്രകാരം തൊട്ടാപ്പ് സ്വദേശിയെ നാടു കടത്തി.

ചാവക്കാട് : കാപ്പ നിയമം പ്രകാരം റൗഡിയെ 6മാസക്കാലത്തേക്ക് നാടു കടത്തി. കടപ്പുറം തൊട്ടാപ്പ്  ചാലിൽ വീട്ടിൽ  അബ്ദുൾ റസാഖ് മകൻ ഷഹറൂഫ്, 24 നെയാണ്  ഗുരുവായൂർ എ സി പി, കെ എം ബിജുവി ന്റെ നേതൃത്വത്തിൽ ചാവക്കാട് ഇൻസ്പെക്ടര്‍ വിമൽ.വി.വി.  തൃശൂർ ജില്ലയിൽ നിന്നും 6 മാസ കാലയളവിൽ നാടു കടത്തിയത്. 

ജില്ലയിലെ ചാവക്കാട്, പാവറട്ടി, വടക്കേക്കാട് എന്നീ പോലീസ് സ്റ്റേഷനുകളിൽ  മോഷണം, മയക്കു മരുന്ന് വില്പന തുടങ്ങിയവക്ക്   ഷഹറൂഫിന് എതിരെ കേസുകൾ ഉണ്ട്. ഗുരുവായൂർ സബ് ഡിവിഷനിൽ ചാവക്കാട് പോലീസ് സ്റ്റേഷനിൽ മാത്രമായി പതിനഞ്ചാമത്തെ വ്യക്തിക്ക് എതിരെയാണ് കാപ്പ ചുമത്തുന്നത്.

തുടർന്നും മയക്കുമരുന്ന് - ക്രിമിനൽ കേസുകളിൽ പ്രതിയാകുന്നവർക്കെതിരെ കാപ്പ ഉൾപ്പെടെയുള്ള ശക്തമായ നിയമനടപടികൾ സ്വീകരിക്കുന്നതാണെന്ന് തൃശ്ശൂർ സിറ്റി പോലീസ് കമ്മീഷണർ അറിയിച്ചു