അഷ്ടപദി സംഗീതോൽസവം: അപേക്ഷിക്കാനുള്ള തീയതി എപ്രിൽ 20 വരെ നീട്ടി

ഗുരുവായൂർ: ഗുരുവായൂർ ദേവസ്വം അഷ്ടപദി സംഗീതോൽസവത്തിൽ പങ്കെടുക്കാൻ ഏപ്രിൽ 20 വരെ അപേക്ഷകൾ അയക്കാം. ഇന്നു ചേർന്ന അഷ്ടപദി സംഗീതോൽസവ സബ് കമ്മിറ്റി തീരുമാനപ്രകാരമാണ് തീയതി നീട്ടി നൽകിയത്. പത്തു വയസ്സിനു മേൽ പ്രായമുള്ള അഷ്ടപദി ഗായകർക്ക് സംഗീതോൽസവത്തിൽ പങ്കെടുക്കാം. അഞ്ച് അഷ്ടപദിയെങ്കിലും അറിഞ്ഞിരിക്കണം. അവയുടെ വിശദവിവരം അപേക്ഷയോടൊപ്പം സമർപ്പിക്കണം .കൂടാതെ അഷ്ടപദിയിലെ അറിവും പ്രാഗൽഭ്യവും തെളിയിക്കുന്നതിന് ഗുരുനാഥൻ്റെ സാക്ഷ്യപത്രവും കരുതണം .അഷ്ടപദി സംഗീതോൽസവത്തിൽ പങ്കെടുക്കുവാൻ ആഗ്രഹിക്കുന്ന കലാകാരൻമാർ സ്വന്തമായി തയ്യാറാക്കിയ ഫോട്ടോ പതിച്ച വിശദമായ ബയോഡാറ്റ, ഗുരുനാഥൻ്റെ സാക്ഷ്യപത്രം എന്നിവ ഉൾപ്പെടെയുള്ള അപേക്ഷ അഡ്മിനിസ്ട്രേറ്റർ, ഗുരുവായൂർ ദേവസ്വം, ഗുരുവായൂർ P0, തൃശൂർ – 68010 1 എന്ന വിലാസത്തിൽ നേരിട്ടോ സാധാരണ തപാലിലോ സമർപ്പിക്കാം.. അപേക്ഷ ഉള്ളടക്കം ചെയ്യുന്ന കവറിന് പുറത്ത് ” അഷ്ടപദി സംഗീതോൽസവം 2022 ൽ പങ്കെടുക്കാനുള്ള അപേക്ഷ എന്നു ചേർക്കാൻ പ്രത്യേകം ശ്രദ്ധിക്കണം. അവസാന തീയതി ഏപ്രിൽ 20 ,5 pm