വാടാനപ്പള്ളിയിൽ ഉണ്ടായ അപകടത്തിൽ ചികിത്സയിൽ കഴിഞ്ഞിരുന്ന തിരുവത്ര സ്വദേശി മരിച്ചു.
ചാവക്കാട് : വാടാനപ്പള്ളി തൃത്തല്ലൂർ സെൻ്ററിൽ നിയന്ത്രണം വിട്ട കാർ മരത്തിലിടിച്ചുണ്ടായ അപകടത്തിൽ പരിക്കേറ്റ് ചികിത്സയിലായിരുന്നയാൾ മരിച്ചു. തിരുവത്ര ഖിളർപള്ളിക്കടുത്ത് തേച്ചൻവീട്ടിൽ അബ്ദുൽ മജീദാ(60)ണ് മരിച്ചത്. ഞായറാഴ്ച രാത്രിയിലുണ്ടായ അപകടത്തിൽ അബ്ദുൽ മജീദ് ഉൾപ്പെടെ ആറു പേർക്ക് പരിക്കേറ്റിരുന്നു.
ഗുരുതരമായി പരിക്കേറ്റ അബ്ദുൽ മജീദ് തൃശ്ശൂരിലെ സ്വകാര്യ ആശുപത്രിയിൽ ചികിത്സയിലിരിക്കെയാണ് മരിച്ചത്. ഭാര്യ: റസീന. മക്കൾ: ഹിബ, ലുബാബ്. ഖബറടക്കം പുതിയറ പള്ളി ഖബർസ്ഥാനിൽ നടക്കും
അപകടത്തിൽ ചാവക്കാട് തിരുവത്ര രാമി രാമി അലി (64), ഭാര്യ ഷഹർബാൻ (55), മക്കളായ കദീജ (22), ഫാത്തിമ (18), ഐഷ (10) എന്നിവർക്കാണ് പരിക്കേറ്റത്.
