നഗരസഭയുടെ ഓണാഘോഷം.
ഗുരുവായൂർ : നഗരസഭ സ്റ്റാഫ് ആൻഡ് കൗൺസിൽ വെൽഫെയർ കമ്മിറ്റിയുടെ ആഭിമുഖ്യത്തിൽ സംഘടിപ്പിച്ച ഓണാഘോഷം ചെയർമാൻ എം. കൃഷ്ണദാസ് ഉദ്ഘാടനം ചെയ്തു. ഇന്ദിരാ ഗാന്ധി ടൌൺ ഹാളിൽ നടന്ന ചടങ്ങിൽ വൈസ് ചെയർപേഴ്സൺ അനീഷ്മ ഷനോജ് അധ്യക്ഷത വഹിച്ചു.
സ്റ്റാൻഡിങ് കമ്മറ്റി ചെയർമാൻമാരായ എ. എം. ഷഫീർ, എ. സായിനാഥൻ, എ. എസ്. മനോജ്, ബിന്ദു അജിത് കുമാർ , ഷൈലജ സുധൻ, കൗൺസിലർമാർ തുടങ്ങിയവർ സംസാരിച്ചു.
പൂക്കള മത്സരം, തിരുവാതിരക്കളി,വടംവലി, കസേരകളി,സ്പൂൺ റേസ്,സുന്ദരിക്ക് പൊട്ടുതൊടൽ, ഉറിയടി എന്നീ കായിക മത്സരങ്ങളും വിവിധ കലാപരിപാടികളും അരങ്ങേറി. വിഭവസമൃദമായ ഓണസദ്യയും ഉണ്ടായി.
