“ഓപ്പറേഷൻ സിന്ദൂർ”, കൊല്ലപ്പെട്ടത് നൂറിലധികം ഭീകരർ.
ന്യൂഡല്ഹി: ‘ഓപ്പറേഷന് സിന്ദൂര്’ എന്ന പേരില് പാകിസ്ഥാനിലെ ഭീകര ക്യാംപുകളില് നടത്തിയ ഇന്ത്യ സൈനിക ആക്രമണത്തില് 100 ഭീകരര് കൊല്ലപ്പെട്ടതായി പ്രതിരോധമന്ത്രി രാജ്നാഥ് സിങ്. ഡല്ഹിയില് നടന്ന സര്വകക്ഷിയോഗത്തിലാണ് പ്രതിരോധമന്ത്രി ഇക്കാര്യം അറിയിച്ചത്. ഓപ്പറേഷന് സിന്ദൂര് ആക്രമണത്തില് സായുധസേനകളെ രാഷ്ട്രീയനേതാക്കള് ഒറ്റക്കെട്ടായി അഭിനന്ദിച്ചുവെന്ന് കേന്ദ്രമന്ത്രി കിരണ് റിജിജു പറഞ്ഞു.
ജമ്മു കശ്മീരിലെ നിയന്ത്രണരേഖയില് പാകിസ്ഥാന് നടത്തുന്ന തുടര്ച്ചയായ വെടിനിര്ത്തല് കരാര് ലംഘനം മൂലം 13 സിവിലിയന്മാര് കൊല്ലപ്പെട്ടതായി വിദേശകാര്യമന്ത്രാലയം. പൂഞ്ച് സെക്ടറിലാണ് 13 പേര് മരിച്ചത്. 59 പേര്ക്ക് പാക് സൈന്യത്തിന്റെ വെടിവെപ്പില് പരിക്കേറ്റു. ഇതില് 44 പേരും പൂഞ്ചില് നിന്നുള്ളവരാണെന്ന് വിദേശകാര്യമന്ത്രാലയം അറിയിച്ചു.
ബുധനാഴ്ച പുലര്ച്ചെ പാകിസ്ഥാന്, പാക് അധിനിവേശ കശ്മീര് എന്നിവിടങ്ങളിലെ ഒമ്പത് ഭീകര കേന്ദ്രങ്ങളില് ഇന്ത്യ നടത്തിയ സൈനിക ആക്രമണത്തെത്തുടര്ന്ന് പാകിസ്ഥാന് ഷെല്ലാക്രമണത്തിന്റെ തീവ്രത വര്ദ്ധിച്ചു. കശ്മീരിലെ നിയന്ത്രണ രേഖയിലെ നിരവധി മേഖലകളില് പാകിസ്ഥാന് സൈന്യം കനത്ത ഷെല്ലാക്രമണം നടത്തി. ഇന്ത്യന് സൈന്യം ഇതിനെ പ്രതിരോധിച്ചുവെന്നും സൈനിക ഉദ്യോഗസ്ഥര് പറഞ്ഞു.
അതിര്ത്തികള് അടച്ചു, മിസൈലുകള് സജ്ജം, ഷൂട്ട് അറ്റ് സൈറ്റിന് ബിഎസ്എഫിന് നിര്ദേശം; രാജ്യം കനത്ത ജാഗ്രതയില്
കഴിഞ്ഞ രാത്രിയിലും ജമ്മു കശ്മീരിലെ കുപ്വാര, ബാരാമുള്ള, ഉറി, അഖ്നൂര് മേഖലകളിലെ ഇന്ത്യന് സൈനിക പോസ്റ്റുകള്ക്ക് നേര്ക്ക് പാക് സൈന്യം പീരങ്കി തോക്കുകളും മറ്റും ഉപയോഗിച്ച് പ്രകോപനമില്ലാതെ വെടിയുതിര്ത്തുവെന്ന് സൈന്യം വ്യക്തമാക്കി. ഇന്ത്യന് സൈന്യം ശക്തമായി തിരിച്ചടിക്കുകയും ചെയ്തു. അതിര്ത്തിയിലെ സംഘര്ഷം കണക്കിലെടുത്ത് ജമ്മു മേഖലയിലെ അഞ്ച് അതിര്ത്തി ജില്ലകളിലെ സ്കൂളുകള്ക്ക് അവധി പ്രഖ്യാപിച്ചു
അതെ സമയം ഓപ്പറേഷന് സിന്ദൂറിന് ശേഷം ഇന്ത്യ പാകിസ്ഥാന് സംഘര്ഷം രൂക്ഷമാകാന് സാധ്യതയേറുന്നു. പാകിസ്ഥാനിലെ ലാഹോറിലും കറാച്ചിയിലും സ്ഫോടനങ്ങള് നടന്നതായി പാക് മാധ്യമങ്ങള് റിപ്പോര്ട്ട് ചെയ്തു. കറാച്ചിയിലെ ഷറാഫി ഗോതിൽ സ്ഫോടനം നടന്നെന്നാണ് റിപ്പോർട്ട്. സ്ഫോടനങ്ങൾ ഡ്രോൺ ആക്രമണം ആയിരുന്നുവെന്ന് പാകിസ്ഥാൻ സൈന്യം അറിയിച്ചു.
12 ഇടത്ത് ഡ്രോണ് ആക്രമണം നടന്നുവെന്നാണ് പാക് സൈന്യം പറയുന്നത്. ലാഹോർ ഡ്രോണ് ആക്രമണത്തിൽ നാല് പാക് സൈനികർക്ക് പരിക്കേറ്റെന്നും പാകിസ്ഥാൻ സ്ഥിരീകരിച്ചു. അതിനിടെ, പാകിസ്ഥാനെ വിറപ്പിച്ച മിന്നലാക്രമണം തുടക്കം മാത്രമെന്ന് പ്രധാനമന്ത്രി നരേന്ദ്രമോദി അഭിപ്രായപ്പെട്ടു. നിയന്ത്രണ രേഖയിലെ പാക് വെടിവെയ്പില് 13 പേര് കൊല്ലപ്പെട്ടതായും സര്ക്കാര് സ്ഥിരീകരിച്ചു.
9 തീവ്രവാദ കേന്ദ്രങ്ങള് തകര്ത്ത ഓപ്പറേഷന് സിന്ദൂറിന് ശേഷം ഇന്ത്യ പാക് ബന്ധം വലിയ സംഘര്ത്തിലേക്ക് നീങ്ങുകയാണ്. ലാഹോറില് സ്ഫോടനം നടന്നതിന്റെ ദൃശ്യങ്ങള് രാവിലെ എട്ടരയോടെയാണ് പുറത്ത് വന്നത്. വലിയ ശബ്ഗം കേട്ടെന്നും, മൂന്ന് സ്ഥലങ്ങളില് പുക ഉയര്ന്നെന്നും പാക് മാധ്യമങ്ങള് റിപ്പോര്ട്ട് ചെയ്തു. വോള്ട്ടന് വിമാനത്താവളത്തിന് തൊട്ടടുത്തായിരുന്നു സ്ഫോടനം. ഇന്ത്യയുടെ ഒരു ഡ്രോണ് വെടിവച്ചിട്ടെന്നാണ് പാക് മാധ്യമങ്ങള് അവകാശപ്പെടുന്നത്. ഇന്നലെ രാത്രി ഇന്ത്യക്ക് നേരെ വ്യോമാക്രമണത്തിന് പാകസ്ഥാന് സേന നീക്കം നടത്തിയെന്നാണ് സൂചന.
പാക് വിമാനങ്ങളുടെ സാന്നിധ്യം മനസിലാക്കി ഇന്ത്യന് സേന എന്തിനും തയ്യാറെടുത്ത് നിന്നു. പാക് വിമാനങ്ങള് പക്ഷേ അതിര്ത്തി കടന്നില്ല. ഒരു പാക് വിമാനം ഇന്ത്യ എസ് 400 പ്രതിരോധ സംവിധാനം ഉപയോഗിച്ച് തകര്ത്തുവെന്ന് റിപ്പോര്ട്ടുകളുണ്ടെങ്കിലും സര്ക്കാര് സ്ഥിരീകരിച്ചിട്ടില്ല. ഇന്ത്യന് ഭാഗത്ത് അമൃത് സറിനടുത്ത് മജീദയിലും രാത്രി നാട്ടുകാര് സ്ഫോടന ശബ്ദം കേട്ടു. പഞ്ചാബ് അതിര്ത്തിയില് ഇന്നലെ രാത്രി വൈദ്യുതി വിച്ഛേദിച്ചതും ആശങ്കയാക്കി. മജീദയില് നിന്ന് ഡ്രോണിന്റേത് തോന്നുന്ന ചില ഭാഗങ്ങള് കിട്ടി. ഇന്ത്യക്കും പാക് സംഘര്ഷം വലുതാകാനുള്ള സാധ്യത കൂട്ടുന്നതാണ് ഈ നീക്കങ്ങള്. തുടര്നീക്കങ്ങളുണ്ടാകുമെന്ന സൂചന പ്രധാനമന്ത്രിയും നല്കിയാതാണ് റിപ്പോര്ട്ട്.