ആശവർക്കർമാരുടെ സമരം, പുന്നയൂർക്കുളത്ത് കോൺഗ്രസ് പ്രകടനം

പുന്നയൂർക്കുളം: വേതനവർധന അടക്കം ഉന്നയിച്ച് ആശ വർക്കർമാർ നടത്തുന്ന സമരം ഒത്തുതീർപ്പാക്കാൻ സർക്കാർ അടിയന്തരമായി ഇടപെടണമെന്നാവശ്യപ്പെട്ട്  കോൺഗ്രസ് പുന്നയൂർക്കുളം മണ്ഡലം കമ്മിറ്റിയുടെ നേതൃത്വത്തിൽ ആൽത്തറയിൽ പന്തംകൊളുത്തി പ്രകടനം നടത്തി.

കുന്നത്തൂർ പാർട്ടി ഓഫീസിനു മുൻപിൽ നിന്ന് ആരംഭിച്ച പ്രകടനം ആൽത്തറ സെന്ററിൽ സമാപിച്ചു. ഡിസിസി ജനറൽ സെക്രട്ടറി എ.എം. അലാവുദ്ധീൻ ഉദ്ഘാടനം ചെയ്തു. മണ്ഡലം പ്രസിഡൻ്റ് പിപി ബാബു അധ്യക്ഷനായി.