കാപ്പ പ്രകാരം ഗുരുവായൂരിൽ യുവാവ് അറസ്റ്റിൽ
ഗുരുവായൂര്‍: നിരവധി ക്രിമിനല്‍ കേസുകളില്‍ പ്രതിയായ യുവാവിനെ കാപ്പ പ്രകാരം ഗുരുവായൂര്‍ പോലീസ് അറസ്റ്റുചെയ്തു. കോട്ടപ്പടി പിള്ളക്കോളനി അയിനിക്കല്‍ വീട്ടില്‍ ജാസിലി (25) നേയാണ് ഗുരുവായൂര്‍ സി.ഐ: സി. പ്രേമാനന്ദകൃഷ്ണനും, സംഘവും അറസ്റ്റുചെയ്തത്.
ഗുരുവായൂര്‍ പോലീസ് സ്റ്റേഷന്‍ പരിധിയില്‍ കൊലപാതകശ്രമം, ദേഹോപദ്രവം, ഭീഷണിപ്പെടുത്തല്‍, പിടിച്ചുപറി, മയക്ക് മരുന്ന് തുടങ്ങി നിരവധി കേസുകളില്‍ പ്രതിയാണ് ജാസില്‍ എന്ന് പോലിസ് പറഞ്ഞു . പ്രതിയെ അറസ്റ്റ് ചെയ്ത സംഘത്തില്‍ സബ്ബ് ഇന്‍സ്‌പെക്ടര്‍മാരായ ശരത് സോമന്‍, ഷക്കീര്‍ അഹമ്മദ് എന്നിവരും ഉണ്ടായിരുന്നു.