ദേവസ്വം അഷ്ടമി രോഹിണി സപ്താഹം നാളെ മുതൽ

ഗുരുവായൂർ : അഷ്ടമിരോഹിണി നാളിൽ ശ്രീകൃഷ്ണാവതാരം വരുന്ന രീതിയിൽ ക്രമീകരിച്ചിരിക്കുന്ന ദേവസ്വം അഷ്ടമിരോഹിണി ഭാഗവത സപ്താഹം നാളെ തുടങ്ങും. ക്ഷേത്രം ആദ്ധ്യാത്മിക ഹാളിലാണ് സപ്താഹം. വൈകുന്നേരം 4.30 ന് ഭദ്രദീപം തെളിയിക്കൽ, ആചാര്യവരണം. തുടർന്ന് മാഹാത്മ്യപാരായണം. ദിവസവും രാവിലെ 5 മണി മുതൽ പാരായണം.11 മണി മുതൽ പ്രഭാഷണവും ഉണ്ടാകും. സപ്താഹം ആഗസ്റ്റ് 29 ന് സമാപിക്കും.

ഗുരുവായൂർ കേശവൻ നമ്പൂതിരി ,ഡോ.വി.അച്ച്യുതൻ കുട്ടി, മേച്ചേരി ഗോവിന്ദൻ നമ്പൂതിരി ,പൊന്നുടക്കം മണികണ്ഠൻ നമ്പൂതിരി ,മേച്ചേരി ഹരികൃഷ്ണൻ നമ്പൂതിരി ,പുതുമന ഊശ്വരൻ ‘ നമ്പൂതിരി (പൂജകൻ) എന്നിവരാണ് യജ്ഞാചാര്യൻമാർ.