അഞ്ച് തിരഞ്ഞെടുപ്പ് വാഗ്ദാനങ്ങൾക്ക് തത്വത്തിൽ അംഗീകാരം നൽകി സിദ്ധരാമയ്യ സർക്കാർ
ബെംഗളൂരു∙ കർണാടകയിൽ സത്യപ്രതിജ്ഞ ചെയ്ത് അധികാരത്തിലേറിയതിനു തൊട്ടുപിന്നാലെ, സിദ്ധരാമയ്യ സർക്കാർ കോൺഗ്രസിന്റെ അഞ്ച് തിരഞ്ഞെടുപ്പ് വാഗ്ദാനങ്ങൾക്ക് തത്വത്തിൽ അംഗീകാരം നൽകി. സത്യപ്രതിജ്ഞയ്ക്ക് പിന്നാലെ ചേര്ന്ന ആദ്യ മന്ത്രിസഭായോഗമാണ് അഞ്ച് തിരഞ്ഞെടുപ്പ് വാഗ്ദാനങ്ങള്ക്ക് തത്വത്തില് അംഗീകാരം നല്കിയത്. ഒരാഴ്ചയ്ക്കുള്ളില് വിളിച്ചുചേര്ക്കുന്ന അടുത്ത മന്ത്രിസഭാ യോഗത്തിന് ശേഷം എല്ലാം പ്രാബല്യത്തില് വരുമെന്ന് മുഖ്യമന്ത്രി സിദ്ധരാമയ്യ പറഞ്ഞു
സിദ്ധരാമയ്യ സർക്കാർ തത്വത്തിൽ അംഗീകാരം നൽകിയ കോൺഗ്രസിന്റെ 5 തിരഞ്ഞെടുപ്പു വാഗ്ദാനങ്ങൾ: ∙ ഗൃഹ ജ്യോതി: എല്ലാ വീട്ടിലും 200 യൂണിറ്റ് വൈദ്യുതി സൗജന്യം ∙ ഗൃഹ ലക്ഷ്മി: എല്ലാ കുടുംബനാഥകൾക്കും മാസം തോറും 2000 രൂപ ∙ അന്ന ഭാഗ്യ: ദാരിദ്ര്യരേഖയ്ക്ക് താഴെയുള്ളവർക്ക് 10 കിലോ സൗജന്യ അരി ∙ യുവനിധി: ബിരുദധാരികളായ യുവാക്കൾക്ക് രണ്ടു വർഷത്തേക്ക് മാസം തോറും 3000 രൂപ; തൊഴില് രഹിതരായ ഡിപ്ലോമക്കാര്ക്ക് 1500 രൂപ (ഈ ആനുകൂല്യം 18 മുതല് 25 വരെ വയസ്സുള്ളവർക്ക് മാത്രം) ∙ സ്ത്രീകള്ക്ക് സൗജന്യ ബസ് യാത്ര എന്നിവയാണ്
ഉച്ചയക്ക് 12.30 ഓടെ നടന്ന സത്യപ്രതിജ്ഞ ചടങ്ങിന് ശേഷം നിയമസഭയിലെത്തിയാണ് സിദ്ധരാമയ്യയും മന്ത്രിമാരും ആദ്യ മന്ത്രിസഭാ യോഗം ചേര്ന്നത്. മുഖ്യമന്ത്രി സിദ്ധരാമയ്യയ്ക്കും ഉപമുഖ്യമന്ത്രി ഡി.കെ.ശിവകുമാറിനുമൊപ്പം ബെംഗളൂരു കണ്ഠീരവ സ്റ്റേഡിയത്തില് നടന്ന പ്രൗഢഗംഭീരമായ ചടങ്ങില് എട്ട് മന്ത്രിമാരും സത്യപ്രതിജ്ഞ ചെയ്തിരുന്നു.
ജി.പരമേശ്വര, കെ.എച്ച്.മുനിയപ്പ, കെ.ജെ.ജോര്ജ്,എം.ബി.പാട്ടീല്, സതീഷ് ജാര്കിഹോളി, പ്രിയങ്ക് ഖാര്ഗെ, രാമലിങ്ക റെഡ്ഡി, സമീര് അഹമ്മദ് ഖാന് എന്നിവരാണ് ഇന്ന് ചുമതലയേറ്റ മന്ത്രിമാര്.അടുത്ത തിങ്കളാഴ്ച മുതല് ബുധനാഴ്ച വരെ നിയമസഭ ചേരാനും മന്ത്രിസഭാ യോഗത്തില് തീരുമാനമായി.അഞ്ച് ഉറപ്പുകള് നിറവേറ്റുന്നതിന് 50000 കോടിയോളം രൂപ വേണ്ടിവരുമെന്ന് സിദ്ധരാമയ്യ വാര്ത്തസമ്മേളനത്തില് പറഞ്ഞു.</