ശിവരാത്രി, മമ്മിയൂരിൽ വൻ ഭക്തജന തിരക്ക്

ഗുരുവായൂർ.: ശിവരാത്രി മഹോത്സത്തിന് ദർശനത്തിന് മമ്മിയൂർ ക്ഷേത്രത്തിൽ വൻ ഭക്തജന തിരക്ക് അനുഭവപ്പെട്ടു. രാവിലെ ലക്ഷാർച്ചനക്കും വൈകീട്ട് നടന്ന ഭസ്മാഭിഷേകത്തിനും ചേന്നാസ് കൃഷ്ണൻ നമ്പൂതിരിയും ചേന്നാസ് സതീശൻ നമ്പൂതിരിപ്പാടും മുഖ്യ കാർമ്മികത്വം വഹിച്ചു.

ക്ഷേത്രത്തിൽ നടന്ന പ്രസാദ ഊട്ടിന് 3000-ൽ പരം ഭക്തജനങ്ങൾ പങ്കെടുത്തു. ഗുരുവായൂർ ശശിമാരാരുടെ തയമ്പക, ഗുരുവായൂർ മുരളിയുടെ നാദസ്വരം എന്നിവയും ഗുരുവായൂർ ക്ഷേത്ര കലാനിലയത്തിന്റെ ബണയുദ്ധം കൃഷ്ണനാട്ടം എന്നിവയും ഉണ്ടായി. വൈകീട്ട് നടന്ന സമൂഹാർച്ചനക്ക് ഗുരുവായൂർ മണിസ്വാമി നേതൃത്വം നൽകി.