ഗുരുവായൂർ : നഗരസഭ പരിധിയിലെ പട്ടികജാതി വിദ്യാർത്ഥികൾക്കുള്ള പഠന സഹായമായി നൽകുന്ന മേശ , കസേര എന്നിവയുടെ വിതരണോദ്ഘാടനം ചെയർ മാൻ എം കൃഷ്ണ ദാസ് നിർവഹിച്ചു ജി യു പി സ്കൂളിൽ വെച്ച് നടന്ന ചടങ്ങിൽ നഗരസഭ വൈസ് ചെയർമാൻ അനീഷ്മ ഷനോജ് അദ്ധ്യക്ഷത വഹിച്ചു.
ജനകീയാസൂത്രണം 2021- 22 പദ്ധതിയിൽ ഉൾപ്പെടുത്തി 5,50,000/- രൂപ ചിലവഴിച്ച് 82 വിദ്യാർത്ഥികൾക്കാണ് മേശ , കസേര വിതരണം ചെയ്യുന്നത്.നഗരസഭ സ്ഥിരം സമിതി അദ്ധ്യക്ഷരായ എ എം ഷെഫീർ , ഷൈലജ സുധൻ , ബിന്ദു അജിത് കുമാർ, നഗരസഭ കൗൺസിലർമാരായ കെ പി ഉദയൻ , ശോഭ ഹരിനാരായണൻ , അജിത ദിനേശൻ , ബിബിത മോഹനൻ , കെ.പി എ.റഷീദ് , ജ്യോതി രവീന്ദ്രനാഥ് , തുടങ്ങിയവർ സംസാരിച്ചു.
