മൂ​ന്നു​പേ​രെ വീ​ടി​നു​ള്ളി​ൽ മ​രി​ച്ച നി​ല​യി​ൽ ക​ണ്ടെ​ത്തി

തൃ​ശൂ​ർ : ക​ണ്ട​ശാം​ക​ട​വ് മാ​ന്പു​ള്ളി​യി​ൽ ഒ​രു കു​ടും​ബ​ത്തി​ലെ മൂ​ന്നു​പേ​രെ മ​രി​ച്ച നി​ല​യി​ൽ ക​ണ്ടെ​ത്തി. മാ​ന്പു​ള്ളി കോ​ര​ത്ത് കു​ടും​ബ​ക്ഷേ​ത്ര​ത്തി​നു സ​മീ​പം കോ​ര​ത്ത് പ​രേ​ത​നാ​യ ഉ​ണ്ണീ​രി​ക്കു​ട്ടി മ​ക​ൻ ഗോ​പാ​ല​ൻ (73), ഭാ​ര്യ മ​ല്ലി​ക (65), മ​ക​ൻ റി​ജോ​യ് (40) എ​ന്നി​വ​രെ​യാ​ണ് വീ​ടി​നു​ള്ളി​ൽ തൂ​ങ്ങി മ​രി​ച്ച നി​ല​യി​ൽ ക​ണ്ടെ​ത്തി​യ​ത്.

ഇ​ന്നു രാ​വി​ലെ സ​മീ​പ​ത്തെ കു​ടും​ബ​ക്ഷേ​ത്രം തു​റ​ക്കാ​ൻ എ​ത്തി​യ ജീ​വ​ന​ക്കാ​ര​ൻ വീ​ടി​ന്‍റെ വാ​തി​ൽ തു​റ​ക്കാ​ത്ത​തി​നെ തു​ട​ർ​ന്ന് ന​ട​ത്തി​യ പ​രി​ശോ​ധ​ന​യി​ലാ​ണ് മൃ​ത​ദേ​ഹ​ങ്ങ​ൾ ക​ണ്ടെ​ത്തി​യ​ത്. ഇ​വ​ർ എ​ഴു​തി​യ​തെ​ന്ന് ക​രു​തു​ന്ന എ​ഴു​ത്തും താ​ക്കോ​ലും പു​റ​ത്തു​നി​ന്ന് ക​ണ്ടെ​ത്തി​യി​ട്ടു​ണ്ട്. ഗോ​പാ​ല​ന്‍റെ​യും മ​ക​ൻ റി​ജോ​യി​യു​ടെ​യും മൃ​ത​ദേ​ഹം ന​ടു​മു​റി​യി​ലും മ​ല്ലി​ക​യു​ടെ മൃ​ത​ദേ​ഹം മ​റ്റൊ​രു മു​റി​യി​ലു​മാ​ണ് ക​ണ്ടെ​ത്തി​യ​ത്.

വി​ക​ലാം​ഗ​നാ​യ ഗോ​പാ​ല​ൻ ഒ​റ്റ​യ്ക്ക് കൃ​ത്യം നി​ർ​വ​ഹി​ക്കാ​ൻ സാ​ധ്യ​ത​യി​ല്ല. മ​ക​നോ ഭാ​ര്യ​യോ ഇ​യാ​ളെ കൊ​ല​പ്പെ​ടു​ത്തി​യ​ശേ​ഷം തൂ​ങ്ങി മ​രി​ച്ച​താ​കാ​മെ​ന്നാ​ണ് പോ​ലീ​സി​ന്‍റെ പ്രാ​ഥ​മി​ക നി​ഗ​മ​നം. ഗാർഹിക പീഡനത്തിനെതിരെ മകനെറ് ഭാര്യ പോലീസിൽ പരാതി നൽകിയിരുന്നു ഇത് അന്വേഷിക്കാൻ എത്തിയ പോലീസ് അപമര്യദയായി പെരുമാറി എന്നാണ് അയൽവാസികൾ പറയുന്നത് . ഇ​താ​കാം മ​ര​ണ​കാ​ര​ണ​മെ​ന്നാ​ണ് സം​ശ​യം. അ​ന്തി​ക്കാ​ട് പോ​ലീ​സ് സ്ഥ​ല​ത്തെ​ത്തി ന​ട​പ​ടി​ക​ൾ സ്വീ​ക​രി​ച്ചു.

മ​രി​ച്ച ഗോ​പാ​ല​ൻ ക​യ​ർ​വ​കു​പ്പി​ൽ ജീ​വ​ന​ക്കാ​ര​നാ​യി​രു​ന്നു. ഭാ​ര്യ മ​ല്ലി​ക ക​രി​ക്കൊ​ടി ക​യ​ർ വ്യ​വ​സാ​യ സം​ഘ​ത്തി​ലെ താ​ത്കാ​ലി​ക സെ​ക്ര​ട്ട​റി​യാ​യി വി​ര​മി​ച്ച​താ​ണ്. വി​ദേ​ശ​ത്താ​യി​രു​ന്ന റി​ജോ​യ് ഏ​താ​നും മാ​സ​ങ്ങ​ളാ​യി നാ​ട്ടി​ലു​ണ്ട്. ദ​മ്പ​തി​ക​ൾ​ക്ക് മ​റ്റൊ​രു മ​ക​ൾ കൂ​ടി​യു​ണ്ട്. റി​ജോ​യി​യു​ടെ ഭാ​ര്യ: ര​മ്യ. മ​ക​ൻ. ഹൃ​തി​ൻ കൃ​ഷ്ണ.