സ്വർണകൊള്ള,സ്മാര്ട്ട് ക്രിയേഷന്സ് സിഇഒയും ജ്വല്ലറി ഉടമയും അറസ്റ്റിൽ.
കൊച്ചി: ശബരിമല സ്വര്ണക്കൊള്ളയില് രണ്ട് പേർ കൂടി അറസ്റ്റിൽ. ചെന്നൈയിലെ സ്മാര്ട്ട് ക്രിയേഷന്സ് സിഇഒ പങ്കജ് ഭണ്ഡാരി, തട്ടിയെടുത്ത സ്വര്ണം വാങ്ങിയ ബെല്ലാരിയിലെ ജ്വല്ലറി ഉടമ ഗോവര്ദ്ധന് എന്നിവരാണ് പിടിയിലായത്.
ശബരിമലയില് നിന്നും കടത്തിക്കൊണ്ട് പോയ സ്വര്ണം ചെന്നൈയിലെ സ്മാര്ട്ട് ക്രിയേഷന്സില് വച്ചായിരുന്നു വേര്തിരിച്ചെടുത്തത്. ഇത്തരത്തില് വേര്തിരിച്ചെടുത്ത സ്വര്ണം കല്പേഷ് എന്ന ഇടനിലക്കാരന് മുഖേന ഗോവര്ദ്ധന് വിറ്റു എന്നാണ് എഐടിയുടെ കണ്ടെത്തല്.
800 ഗ്രാമില് അധികം സ്വര്ണം നേരത്തെ ഗോവര്ദ്ധന്റെ ജ്വല്ലറിയില് നിന്നും എസ്ഐടി കണ്ടെത്തിയിരുന്നു. അന്വേഷണത്തിനിടെ തന്ത്രിയുടെ മൊഴിയിലും ഗോവര്ദ്ധന്റെ പങ്ക് സംബന്ധിച്ച് പരാമര്ശങ്ങള് ഉണ്ടായിരുന്നു.