ക്ഷേത്ര നഗരിയിലെ തെരുവ് നിവാസികളെ നഗര സഭ ക്യാമ്പിലേക്ക് മാറ്റി
ഗുരുവായൂര്: ലോക്ഡൗണ് പ്രഖ്യാപിച്ച സാഹചര്യത്തില് ക്ഷേത്ര നഗരിയിലെ തെരുവ് നിവാസികളെ നഗര സഭ ആരോഗ്യവിഭാഗത്തിന്റെ നേതൃത്വത്തില് സുരക്ഷിത ക്യാമ്പിലേയ്ക്ക് മാറ്റി. 151-ഓളം വരുന്ന വൃദ്ധരായ സ്ത്രീകളും, പുരുഷന്മാരും, യുവാക്കളും, യുവതികളുമടക്കം 151-പേരേയാണ് ഗുരുവായൂര് ദേവസ്വം ഇംഗ്ലീഷ് മീഡിയം സ്ക്കൂളിലേയ്ക്ക് മാറ്റി പാര്പ്പിച്ചത്.ഇവർക്കുള്ള ഭക്ഷണം കുടുംബശ്രീ ഹോട്ടലിൽ നിന്നും എത്തിച്ചു നൽകി
പൂക്കോട് കുടുംബാരോഗ്യ കേന്ദ്രവും, ഗുരുവായൂര് നഗരസഭയും സംയുക്തമായി സംഘടിപ്പിച്ച് മാറ്റിപാര്പ്പിച്ച ശേഷം, അന്തേവാസികള്ക്ക് ജില്ലആരോഗ്യ വിഭാഗം നോഡൽ ഓഫീസര്മാരുടെ നേതൃത്വത്തില് ഡോ: അനു മേരിസാം ആന്റിജന് പരിശോധന നടത്തി. 151-പേരില് നടത്തിയ ആന്റിജന് പരിശോധനയില് 17-പേര്ക്ക് ഫലം പോസറ്റീവായി. അതില് ഒരു വൃദ്ധന്റെ ആരോഗ്യനില മോശമായതിനെതുടര്ന്ന് അയാളെ ചാവക്കാട്ടെ താലൂക്ക് ആശുപത്രിയില് പ്രവേശിപ്പിച്ചു. ബാക്കിവരുന്ന 16-രോഗികളേയും നഗരസഭയുടെ അമ്പാടി ടൂറിസ്റ്റുഹോമില് പ്രത്യേകം തയ്യാറാക്കിയ കെയര് സെന്ററിലേയ്ക്ക് മാറ്റും.
നഗരസഭ ഹെല്ത്ത് സൂപ്പര്വൈസര് കെ. സജീവ്, ആരോഗ്യവിഭാഗം ഉദ്യോഗസ്ഥരായ പി.വി. ജിജു, പി.പി. പ്രകാശന് എന്നിവരുടെ നിര്ദ്ദേശപ്രകാരം ടെമ്പിള് എസ്.ഐ: ഗിരിയുടെ നേതൃത്വത്തിലുള്ള പോലീസിന്റെ സഹായത്തോടേയാണ് ഗുരുവായൂരിലും, പരിസരത്തും അലഞ്ഞുനടക്കുന്ന അന്തേവാസികളെ ഗുരുവായൂര് ദേവസ്വം ഇംഗ്ലീഷ് മീഡിയം സ്ക്കൂളിലെത്തിച്ചത്