പോക്സോ കേസിൽ യത്തീംഖാനക്ക് സംഭാവന പിരിക്കുന്ന മാള സ്വദേശി അറസ്റ്റിൽ
ചാവക്കാട്: പ്രായപൂർത്തിയാകാത്ത ആൺകുട്ടിയെ പ്രകൃതിവിരുദ്ധ പീഡനത്തിനിരയാക്കിയ പ്രതിയെ ചാവക്കാട് പൊലീസ് അറസ്റ്റ് ചെയ്തു.വയനാട്ടിലുള്ള മതസ്ഥാപനത്തിന് വേണ്ടി പണം പിരിക്കുന്ന തൃശ്ശൂർ മാള തിരുമുക്കുളം മതിരിപ്പള്ളി കണ്ടൂരിൽ താമസിക്കുന്ന പ്ലാക്കൽ വീട്ടിൽ ഖാദർ മകൻ ഹാഷി(48)മിനെയാണ് ചാവക്കാട് എസ്എച്ച്ഒ വിപിൻ കെ.വേണുഗോപാൽ അറസ്റ്റ് ചെയ്തത് .
കുട്ടിയുടെ വീടിനടുത്തുള്ള ഒഴിഞ്ഞവീട്ടിൽ വെച്ചാണ് ഇയാൾ കുട്ടിയെ പ്രകൃതിവിരുദ്ധ പീഡനത്തിനിരയാക്കിയത്.കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.ചാവക്കാട് എസ്ഐ ഡി.വൈശാഖ്,എസ് സിപിഒ സന്ദീപ്,സിപിഒമാരായ ജയകൃഷ്ണൻ,ബൈജു,നസൽ എന്നിവരും അന്വേഷണ സംഘത്തിൽ ഉണ്ടായിരുന്നു
