ഗുരുവായൂർ ക്ഷേത്രത്തിനകത്ത് കുഞ്ഞുങ്ങളുടെ സ്വർണാഭരണം മോഷ്ടിക്കുന്ന യുവാവ് അറസ്റ്റിൽ

ഗുരുവായൂർ : ഗുരുവായൂർ ക്ഷേത്രത്തിനകത്ത് ചെറിയ കുട്ടികളുടെ പാദസരവും മറ്റു ആഭരണങ്ങളും മോഷ്ടിക്കുന്ന പ്രതിയെ പോലീസ് കയ്യോടെ പിടികൂടി ഏങ്ങണ്ടിയൂർ ഏത്തായിൽ താമസിക്കുന്ന ചാവക്കാട് മണത്തല വടക്കുംതല വീട്ടിൽ ശങ്കരൻ മകൻ ജയകുമാർ 48 ആണ് പിടിയിലായത് . ക്ഷേത്ര ദർശനത്തിനായി വന്ന കണ്ണൂർ പയ്യന്നൂർ കല്ല വീട്ടിൽ ശരത്തിന്റെ ഒരു വയസുള്ള കുഞ്ഞിന്റെ പാദസരം കൊടിമരത്തിന് സമീപം വെച്ച് ഇന്ന് രാവിലെ 7.00 മണിയോടെ ജയകുമാർ ഊരി എടുക്കുകയായിരുന്നു

ഗുരുവായൂർ ടെംബിൾ പോലീസ് സബ് ഇൻസ്പെക്ടർ ഐ. എസ് . ബാലചന്ദ്രന്റെ നേതൃത്വത്തിലുള്ള പോലീസ് സംഘമാണ് പ്രതിയെ അറസ്റ്റ് ചെയ്തത് .കവർന്ന പാദസരം ഇയാളുടെ കയ്യിൽ നിന്നും കണ്ടെടുത്തു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു . അന്വേഷണ സംഘത്തിൽ പോലീസ് സബ് ഇൻസ്പെക്ടർ കെ. ഗിരി, എ എസ് ഐ മാരായ സി. ജിജോ ജോൺ , സി. ബിന്ദുരാജ്, പി.കൃഷ്ണകുമാർ , സിവിൽ പോലീസ് ഓഫീസർ എ. അനസുദ്ദീൻ എന്നിവർ ഉണ്ടായിരുന്നു