കൊച്ചിയിലെ കനത്ത മഴക്ക് കാരണം മേഘ വിസ്ഫോടനം.
കൊച്ചി : കൊച്ചി നഗരത്തിലെ കനത്തമഴക്ക് കാരണം മേഘവിസ്ഫോടനമാണെന്ന് കൊച്ചി സര്വകലാശാല ശാസ്ത്രജ്ഞര്. രാവിലെ 9.10 മുതല് 10.10 വരെയുള്ള സമയത്ത് കൊച്ചി സര്വകലാശാല മഴമാപിനിയില് 100 മില്ലിമീറ്റര് മഴയാണ് രേഖപ്പെടുത്തിയിരിക്കുന്നത്. അടുത്തകാലത്ത് ആദ്യമായാണ് കുറഞ്ഞ സമയത്ത് ഇത്രയുമധികം മഴ ലഭിച്ചിരിക്കുന്നത്. ഇത് മേഘവിസ്ഫോടനത്തിന്റെ ഫലമാകാമെന്ന് അസോ. പ്രഫ. ഡോ എസ്. അഭിലാഷ് അഭിപ്രായപ്പെട്ടു.കൂമ്പാര മേഘങ്ങളുടെ സാന്നിധ്യമാണ് ശക്തമായ മഴക്ക് വഴിവെച്ചത്.14 കിലോമീറ്റര് വരെ ഉയരത്തില് വളരുന്ന മേഘങ്ങളാണിവ. കൂമ്പാര മേഘങ്ങളില് നിന്നുള്ള ശക്തമായ കാറ്റാണ് മരങ്ങള് കടപുഴകി വീഴാനും മറ്റും കാരണമായിരിക്കുന്നത്. റിമല് ചുഴലിക്കാറ്റിന്റെ അറബിക്കടലിന്റെ മധ്യഭാഗത്ത് നിലനില്ക്കുന്ന വലിയ മേഘക്കൂട്ടങ്ങളുമാണ് കൊച്ചിയില് ശക്തമായ മഴക്ക് കാരണമായത്.
വലിയ നീരാവിയും വഹിച്ച് കാറ്റ് തീരപ്രദേശത്തേയ്ക്ക് വരുന്നത് ശക്തമായ മഴക്ക്ത്വഴിയൊരുക്കുകയായിരുന്നു.റിമല് ചുഴലിക്കാറ്റിന്റെ ഫലമായി പശ്ചിമ തീരത്തെ കാറ്റിന്റെ വേഗം വര്ധിച്ചിട്ടുണ്ട്. ഇതും ശക്തമായ മഴയെ സ്വാധീനിച്ചു. ഇപ്പോള് പെയ്യുന്നത് പ്രീ മണ്സൂണ് മഴയാണ്. പ്രീ മണ്സൂണ് സമയത്താണ് ഇടിമിന്നലോടും കാറ്റോടും കൂടിയ ശക്തമായ മഴ ലഭിക്കുന്നത്. കൂമ്പാര മേഘങ്ങളാണ് ശക്തമായ മഴക്ക് കാരണം. സാധാരണഗതിയില് മണ്സൂണ് കാലത്ത് ഇത്തരത്തില് കൂമ്പാര മേഘങ്ങള് ഉണ്ടാവാറില്ല. എന്നാല്, അടുത്തകാലത്തായി മണ്സൂണ് കാലത്തും കൂമ്പാര മേഘങ്ങളുടെ സാന്നിധ്യം കണ്ടുവരുന്നുണ്ട്. അതിനാല് വരുന്ന മണ്സൂണ് കാലത്തും കരുതിയിരിക്കണമെന്നും അദ്ദേഹം മുന്നറിയിപ്പ് നല്കി. മഴ കനത്തതോടെ ജനജീവിതം ദുരിതത്തിലായിയിരിക്കുകയാണ്.
കനത്ത മഴയില് കൊച്ചി നഗരത്തിലെ ഇന്ഫോപാര്ക്ക് അടക്കമുള്ള പല സ്ഥലങ്ങളും വെള്ളക്കെട്ടിലായി. ഗതാഗതക്കുരുക്കും രൂക്ഷമായി. രാവിലെ 8.30 ഓടുകൂടിയാണ് ജില്ലയില് ശക്തമായ മഴ ആരംഭിച്ചത്. നാല് മണിക്കൂറോളം നീണ്ടു നിന്ന മഴയിലാണ് ജില്ലയിലെ പല ഭാഗങ്ങളിലും വെള്ളക്കെട്ട് രൂക്ഷമായത്. പ്രൊഫ. എം ലീലാവതി ടീച്ചറുടെ തൃക്കാക്കര പൈപ്പ് ലൈൻ റോഡില് ഉള്ള വീട്ടില് വെള്ളം കയറി പുസ്തകങ്ങള് നശിച്ചു.
. കളമശ്ശേരിയിലെ പല വീടുകളിലും വെള്ളം കയറിയിട്ടുണ്ട്. ഇന്ഫോപാര്ക്കിലും വന്വെള്ളക്കെട്ട് രൂപപ്പെട്ടിട്ടുണ്ട്. കളമശ്ശേരി, കാക്കനാട് മേഖലകളിലും വെള്ളക്കെട്ട് രൂക്ഷമാണ്. ഇടപ്പള്ളി അരൂര് ദേശീയ പാതയില് വന് ഗതാഗതകുരുക്ക് അനുഭവപ്പെട്ടു. ഇടറോഡുകളിലുള്പ്പെടെ വെള്ളം കയറി