കനത്ത മഴ . തൃശൂർഅടക്കം 11 ജില്ലകളില് അവധി
തൃശൂർ : സംസ്ഥാനത്ത് മഴ ശക്തമായി തുടരുന്ന സാഹചര്യത്തില് 11 ജില്ലകളിലെ വിദ്യാഭ്യാസ സ്ഥാപനങ്ങള്ക്ക് അവധി .തൃശൂര്, വയനാട്, കാസര്കോട്, കണ്ണൂർ, മലപ്പുറം, എറണാകുളം, ഇടുക്കി, കോഴിക്കോട്, കോട്ടയം, പാലക്കാട്, പത്തനംതിട്ട ജില്ലകളിലാണ് ജില്ലാ ഭരണകൂടങ്ങൾ അവധി പ്രഖ്യാപിച്ചത്. കാലാവസ്ഥാ നിരീക്ഷണ കേന്ദ്രം റെഡ്, ഓറഞ്ച് അലര്ട്ടു്കള് പ്രഖ്യാപിച്ച സാഹചര്യത്തിലാണ് അവധി പ്രഖ്യാപിച്ചത്.
തൃശ്ശൂര് ജില്ലയില് കനത്ത മഴ തുടരുന്നതിനാലും ഓറഞ്ച് അലര്ട്ട് നിലനില്ക്കു കയും ചെയ്യുന്ന പശ്ചാത്തലത്തിലാണ് പ്രൊഫഷണല് കോളജുകള് ഉള്പ്പെംടെയുള്ള വിദ്യാലയങ്ങള്, അങ്കണവാടികള്, നേഴ്സറികള്, ട്യൂഷന് സെന്ററുകള് ഉള്പ്പെയടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും തിങ്കളാഴ്ച അവധി പ്രഖ്യാപിച്ചത്. മുന്കൂട്ടി നിശ്ചയിച്ച പരീക്ഷകള്ക്കും അഭിമുഖങ്ങള്ക്കും മാറ്റം ഉണ്ടായിരിക്കുന്നതല്ല.
പ്ലസ് വൺ പ്രവേശന പ്രക്രിയകളും നിശ്ചയിച്ച തിയതികളിൽ പൂർത്തീകരിക്കേണ്ടതുള്ളതിനാൽ പ്ലസ് വൺ പ്രവേശന നടപടികൾ മുൻ നിശ്ചയപ്രകാരം നടക്കുമെന്ന് ജില്ലാ വിദ്യാഭ്യാസ ഡെപ്യുട്ടി ഡയറക്ടർ അറിയിച്ചു.
ആലപ്പുഴ ജില്ലയിൽ കുട്ടനാട് താലൂക്കിലെ വിദ്യാഭ്യാസ സ്ഥാപനങ്ങൾക്കും നാളെ അവധിയായിരിക്കും. പൊതു വഴികളിലും വെള്ളക്കെട്ട് ഉള്ളതിനാലും മഴ ശക്തമായി തുടരുന്നതിനാലുമാണ് അവധി പ്രഖ്യാപിച്ചിരിക്കുന്നത്. അതേസമയം മുൻകൂട്ടി നിശ്ചയിച്ച പരീക്ഷകൾക്കു മാറ്റമില്ല.
റെഡ് അലര്ട്ട് നിലനില്ക്കുിന്ന പശ്ചാത്തലത്തിലാണ് കാസര്കോുട്, വയനാട് ജില്ലകളില് അവധി നല്കിുയിരിക്കുന്നത്. വയനാട് ജില്ലയിലെ പ്രൊഫഷണല് കോളജുകള് ഉള്പ്പെ്ടെയുള്ള വിദ്യാലയങ്ങള്, അങ്കണവാടികള്, മതപഠന സ്ഥാപനങ്ങള്, ട്യൂഷന് സെന്ററുകള്, സ്പെഷ്യല് ക്ലാസുകള് എന്നിവക്ക് തിങ്കളാഴ്ച അവധി പ്രഖ്യാപിച്ചു. റസിഡന്ഷ്യാല് സ്കൂളുകള്ക്കും റസിഡന്ഷ്യചല് കോളജുകള്ക്കും അവധി ബാധകമല്ല.
കാസര്കോ്ട് ജില്ലയിലെ സാഹചര്യത്തില്, ജില്ലയിലെ കോളജുകള്, പ്രൊഫഷണല് കോളജുകള്, കേന്ദ്രീയ വിദ്യാലയങ്ങള്, ട്യൂഷന് സെന്ററുകള്, മദ്രസകള്, അങ്കണവാടികള്, സ്പെഷ്യല് ക്ലാസുകള് ഉള്പ്പെ്ടെ എല്ലാ വിദ്യാഭ്യാസ സ്ഥാപനങ്ങള്ക്കും ജൂണ് 16 തിങ്കളാഴ്ച അവധി പ്രഖ്യാപിച്ചതായി ജില്ലാ കലക്ടര് അറിയിച്ചു.
.
കണ്ണൂർ ജില്ലയിൽ ശക്തമായ മഴ കാരണം റെഡ് അലർട്ട് പ്രഖ്യാപിച്ചിരിക്കുന്നതിനാലും കനത്ത മഴ തുടരുന്ന സാഹചര്യത്തിലും ജില്ലയിലെ സ്കൂളുകൾ, അങ്കണവാടികൾ, മതപഠന സ്ഥാപനങ്ങൾ, ട്യൂഷൻ സെന്ററുകൾ എന്നിവയ്ക്ക് നാളെ (തിങ്കൾ) അവധിയായിരിക്കുമെന്ന് ജില്ലാ കലക്ടർ പ്രഖ്യാപിച്ചു
