ചെന്നൈ കവരൈപേട്ടയിൽ ട്രെയിനുകൾ കൂട്ടിയിടിച്ചു.

ചെന്നൈ: ചെന്നൈ കവരൈപേട്ടയിൽ ട്രെയിനുകൾ കൂട്ടിയിടിച്ച് അപകടം, മൈസുരു- ദർബാംഗ ട്രെയിൻ ചരക്കു ട്രെയിനിലിടിച്ചാണ് അപകടമുണ്ടായത്. തിരുവള്ളൂരിന് സമീപം കവരൈപേട്ടയിൽ രാത്രി 8.21ഓടെയാണ് അപകടം ഉണ്ടായത്.

അപകടത്തിൽ അഞ്ച് കോച്ചുകൾ പാളം തെറ്റി. ഇടിയുടെ ആഘാതത്തിൽ മൂന്നുകോച്ചുകൾക്ക് തീപിടിച്ചു. അപകടത്തിൽ ആളപായമില്ലെന്നാണ് ലഭിക്കുന്ന വിവരം. മൈസുരു – ദർബാംഗ ഭാഗമതി ട്രെയിൻ കവരൈപ്പേട്ടയ്ക്ക് സമീപം ദണ്ഡവാളത്തിൽ നിർത്തിയിട്ടിരുന്ന ചരക്കു ട്രെയിനിലേക്ക് ഇടിച്ചു കയറുകയായിരുന്നു.

അഗ്നിരക്ഷാസേനയും ദേശീയ ദുരന്തനിവാരണ സേനയും സംഭവസ്ഥലത്തെത്തി.തി​രു​വ​ള്ളൂ​ർ ജി​ല്ല ക​ല​ക്ട​ർ ടി. ​പ്ര​ഭു​ശ​ങ്ക​റി​ന്റെ നേ​തൃ​ത്വ​ത്തി​ൽ ര​ക്ഷാ​പ്ര​വ​ർ​ത്ത​നം ഊ​ർ​ജി​ത​മാ​യി ന​ട​ക്കു​ന്നു. ബോഗിക്ക് തീപിടിച്ചത് അഗ്നിശമന സേന അണച്ചു. എ​ക്സ്പ്ര​സ് ട്രെ​യി​ൻ ട്രാ​ക്ക് മാ​റി, നി​ർ​ത്തി​യി​ട്ട ച​ര​ക്കു​വ​ണ്ടി​യി​ൽ ഇ​ടി​ക്കു​ക​യാ​യി​രു​ന്നു. അപകടത്തെ തുടർന്ന് ചെന്നൈ – ഗുമ്മിടിപൂണ്ടി പാതയിൽ ട്രെയിൻ ഗതാഗതം തടസപ്പെട്ടു. ഹെ​ൽ​​പ് ലൈ​ൻ: 044-25354151, 044-24354995.