ബിരിയാണി കടം കൊടുത്തില്ല, മദ്യപസംഘം ഹോട്ടൽ അടിച്ച് തകർത്തു.

തൃപ്രയാർ : ബിരിയാണി കടം കൊടുക്കാത്തതിൽ പ്രകോപിതരായി മദ്യപിച്ചെത്തിയ സംഘം ഹോട്ടൽ ജീവനക്കാരെ മർദ്ദിച്ച് ഗുരുതരാവസ്ഥയിലാക്കുകയും ഹോട്ടൽ തല്ലിതകർക്കുകയും ചെയ്തു. തൃപ്രയാർ സെന്ററിലെ ഹോട്ടൽ കലവറയാണ് മദ്യപസംഘം അടിച്ചു തകർത്തത്. ഇന്നലെ രാത്രിയിലാണ് സംഭവം.

പരിക്കേറ്റ ജീവനക്കാർ തൃശൂരിൽ വിവിധ ആശുപത്രികളിൽ ചികിത്സയിലാണ് .
സംഭവത്തിൽ കേരള ഹോട്ടൽ ആൻഡ് റസ്റ്റോറന്റ് അസ്സോസിയേഷൻ ( കെ. എച്ച്. ആർ.എ)തൃപ്രയാർ യൂനിറ്റ് കമ്മറ്റിയും, തൃശൂർ ജില്ലാ കമ്മറ്റിയും ശക്തമായ പ്രതിക്ഷേധം രേഖപ്പെടുത്തി.
മേഖലയിലെ ഹോട്ടലുകൾക്ക് സുരക്ഷിതമായ വ്യാപാര സാഹചര്യം ഒരുക്കണമെന്നും, പ്രതികൾക്കെതിരെ ശക്തമായ നടപടികൾ കൈക്കൊള്ളണമെന്നും സംസ്ഥാന വർക്കിങ് പ്രസിഡണ്ട് സി.ബിജുലാലും, ജില്ലാ പ്രസിഡണ്ട് അമ്പാടി ഉണ്ണികൃഷ്ണനും ആവശ്യപ്പെട്ടു