Post Header (woking) vadesheri

അബുദാബിയിലേക്ക് ടിക്കറ്റ് എടുത്ത് എത്തിയത് ഷാർജയിൽ,എയർ ഇന്ത്യ 70,287 രൂപ നൽകണം

Above Post Pazhidam (working)

തൃശൂർ : അബുദാബീയിലേക്ക് ടിക്കറ്റെടുത്ത്, യാത്ര നിഷേധിക്കപ്പെട്ട് ഷാർജയിലേക്ക് യാത്ര ചെയ്യേണ്ടി വന്നതിനെ ചോദ്യം ചെയ്ത് നൽകിയ ഹർജിയിൽ അനുകൂല വിധി. തൃശൂർ തൃക്കുരിലുള്ള കൃഷ്ണ നിവാസിലെ അശ്വതി രാധാകൃഷ്ണൻ ,ആറു വയസ്സുള്ള മകൻ ശ്രീറാം അജു എന്നിവർ ചേർന്ന് ഫയൽ ചെയ്ത ഹർജിയിലാണ് കൊച്ചിയിലെ എയർ ഇന്ത്യ എക്സ്പ്രസ്സ് എയർ ഇന്ത്യ ചാർട്ടേർസ് ലിമിറ്റഡിൻ്റെ മാനേജിങ്ങ് ഡയറക്ടർക്കെതിരെ ഇപ്രകാരം വിധിയായത്.

Srepathi

ഹർജിക്കാർ 20,287 രൂപ നല്കി അബുദാബി ടിക്കറ്റെടുത്തു് വിമാനത്താവളത്തിലെത്തിയെങ്കിലും യാത്ര നിഷേധിക്കപ്പെടുകയായിരുന്നു. തുടർന്ന് എതിർകക്ഷിയുടെ നിർദ്ദേശപ്രകാരം ഷാർജയിലേക്ക് ടിക്കറ്റെടുത്ത് യാത്ര ചെയ്യേണ്ടി വന്നു. ഷാർജയിലെത്തി ആറ് വയസ്സുള്ള മകനുമൊത്തു് അബുദാബിയിലേക്ക് റോഡ് മാർഗം യാത്ര ചെയ്യേണ്ടി വന്നു. തുടർന്ന് ഹർജി ഫയൽ ചെയ്യുകയായിരുന്നു.

നിശ്ചയിച്ച സ്ഥലത്തേക്ക് യാത്ര ചെയ്യുവാൻ അനുവദിക്കാതിരുന്നതു് സേവനത്തിലെ വീഴ്ചയാണെന്ന് കോടതി വിലയിരുത്തി. ആറ് വയസ്സ് മാത്രം പ്രായമുള്ള കുട്ടിയോടൊപ്പം ഇപ്രകാരമുള്ള യാത്ര വളരെ അസൗകര്യങ്ങളും മാനസിക പ്രയാസങ്ങളും സൃഷ്ടിച്ചുവെന്ന് കോടതി നിരീക്ഷിച്ചു. തെളിവുകൾ പരിഗണിച്ച പ്രസിഡണ്ട് സി.ടി.സാബു, മെമ്പർമാരായ ശ്രീജ.എസ്, ആർ.റാം മോഹൻ എന്നിവരടങ്ങിയ തൃശൂർ ഉപഭോക്തൃ കോടതി ഹർജിക്കാർക്ക് ടിക്കറ്റ് ചാർജ് 20287 രൂപയും അയതിന് 2021 ഫെബ്രുവരി 11 തിയ്യതി മുതൽ 9 % പലിശയും സേവനത്തിലെ വീഴ്ചക്കും മാനസിക പ്രയാസത്തിനും അസൗകര്യങ്ങൾക്കും പരിഹാരമായി 40,000 രൂപയും ചിലവിലേക്ക് 10,000 രൂപയും നൽകുവാൻ കല്പിച്ച് വിധി പുറപ്പെടുവിക്കുകയായിരുന്നു. ഹർജിക്കാർക്ക് വേണ്ടി അഡ്വ.ഏ.ഡി.ബെന്നി ഹാജരായി