ശബരിമല തീർത്ഥാടകർക്ക് വിരിവെക്കാൻ പുതിയ പുൽപ്പായകൾ

ഗുരുവായൂർ : ഗുരുവായൂരിലെത്തുന്ന ശബരിമല തീർത്ഥാടകർക്ക് ദർശനത്തിനും വിശ്രമത്തിനും ദേവസ്വം സൗകര്യമൊരുക്കി. തീർത്ഥാടകർക്ക് വിരിവെക്കാൻ ക്ഷേത്രം വടക്കേ നടയിലാണ് ദേവസ്വം പ്രത്യേക സ്ഥലം ഒരുക്കിയത്. വിരിവെക്കാൻ പുതിയ പുൽപ്പായയുമെത്തി. അയ്യപ്പൻമാർക്ക് വിരിവെക്കാനുള്ള പുൽപ്പായ സമർപ്പിച്ചത്അഖിലഭാരതശ്രീ ഗുരുവായൂരപ്പ സമിതിയാണ്.

ഭാരവാഹികളായ സജീവൻ നമ്പിയത്ത് വി.എസ്.സുനീവ് എന്നിവരിൽ നിന്ന് ദേവസ്വം ചെയർമാൻ ഡോ: വി.കെ.വിജയൻ, ദേവസ്വം അഡ്മിനിസ്ട്രേറ്റർ ഒ ബി. അരുൺകുമാർ, ഭരണസമിതി അംഗങ്ങളായ സി മനോജ്, കെ പി വിശ്വനാഥൻ എന്നിവർ പുൽപ്പായ ഏറ്റുവാങ്ങി .

ക്ഷേത്രം ഡെപ്യൂട്ടി അഡ്മിനിസ്ട്രേറ്റർ പ്രമോദ് കളരിക്കൽ, ഹെൽത്ത് സൂപ്രവൈസർ എം എൻ രാജീവ്, ചീഫ് സെക്യൂരിറ്റി ഓഫീസർ മോഹൻകുമാർ എന്നിവർ ചടങ്ങിൽ സന്നിഹിതരായി.