ഗോശാല ഉദ്ഘാടനവും, ക്ഷേത്ര ധനസഹായ വിതരണവും ഏപ്രിൽ 18 ന്

ഗുരുവായൂർ : ദേവസ്വം ആഭിമുഖ്യത്തിൽ മധ്യമേഖലയിലെ ഹൈന്ദവ ക്ഷേത്രങ്ങൾക്കുള്ള
ധനസഹായ വിതരണവും ക്ഷേത്രം കിഴക്കേനട ഗോശാലയുടെ ഉദ്ഘാടനവും മേൽപുത്തൂർ ആഡിറ്റോറിയത്തിന് തെക്കുഭാഗത്ത് നിർമ്മിക്കുന്ന പുതിയ നടപ്പന്തലിൻ്റെ ശിലാസ്ഥാപനവും ഏപ്രിൽ 18 വെള്ളിയാഴ്ച രാവിലെ 11ന് നടക്കും.

ദേവസ്വം മന്ത്രി .വി.എൻ വാസവൻ ക്ഷേത്ര ധനസഹായ വിതരണത്തിൻ്റെ ഉദ്ഘാടനം നിർവ്വഹിക്കും.ശ്രീഗുരുവായൂരപ്പൻ ആഡിറ്റോറിയത്തിൽ ചേരുന്ന സമ്മേളനത്തിൽദേവസ്വം ചെയർമാൻ ഡോ.വി.കെ.വിജയൻ അധ്യക്ഷനാകും..എൻ.കെ.അക്ബർ എംഎൽ എ വിശിഷ്ടാതിഥിയായും .എം.കൃഷ്ണദാസ്,
(ചെയർമാൻ, ഗുരുവായൂർ നഗരസഭ) മുഖ്യാതിഥിയായും പങ്കെടുക്കും.

ദേവസ്വം ഭരണസമിതി അംഗങ്ങളായ .മല്ലിശേരി പരമേശ്വരൻ നമ്പൂതിരിപ്പാട്, പി.സി.ദിനേശൻ നമ്പൂതിരിപ്പാട്, സി.മനോജ്, .കെ.പി.വിശ്വനാഥൻ, .മനോജ് ബി നായർ, അഡ്മിനിസ്ട്രേറ്റർ . കെ.പി.വിനയൻ എന്നിവർ സന്നിഹിതരാകും.