വിശേഷ നിവേദ്യത്തോടെ ഗുരുവായൂരിൽ തൃപ്പുത്തരി.

ഗുരുവായൂർ : വിശേഷ നിവേദ്യനിറവിൽ ഗുരുവായൂർ ക്ഷേത്രത്തിൽ തൃപ്പുത്തരി ആഘോഷം.ബുധനാഴ്ച രാവിലെ 6:19 മുതൽ 8 വരെയുള്ള ശ്രേഷ്ഠമുഹൂർത്തത്തിലായിരുന്നു തൃപ്പുത്തരി.
പുന്നെല്ലിൻ്റെ അരി കൊണ്ട് നിവേദ്യം തയാറാക്കി ശ്രീഗുരുവായൂരപ്പനും ഉപദേവതകൾക്കും പരിദേവതകൾക്കും സമർപ്പിക്കുന്നതാണ് തൃപ്പുത്തരി. തന്ത്രി .ചേന്നാസ് കൃഷ്ണൻ നമ്പൂതിരിപ്പാടിൻ്റെ മുഖ്യകാർമ്മികത്വത്തിലായിരുന്നു തൃപ്പുത്തരി ചടങ്ങുകൾ.

പുത്തരി പായസവും ഉപ്പുമാങ്ങയും പത്തില ക്കറിയും പുത്തരി ചുണ്ട മെഴുക്കു പുരട്ടിയും വിശേഷ വിഭവങ്ങളായി ശ്രീ ഗുരുവായൂരപ്പന് ഉച്ചപൂജ നേരത്ത് നേദിച്ചു. . പുണ്യ ചടങ്ങിൻ്റെ നിർവൃതിയിലായി ഭക്തർ. ഭക്തജനങ്ങൾക്കായി 1200 ലിറ്റർ പുത്തരി പായസം ക്ഷേത്രത്തിൽ തയ്യാറാക്കിയിരുന്നു. ശ്രീ ഗുരുവായൂരപ്പന് ഉച്ചപൂജക്ക് നേദിച്ച ശേഷം പുത്തരി പായസം ഭക്തർക്ക് വഴിപാട് പ്രസാദമായി നൽകി.

അതെ സമയം മുൻ വർഷത്തേക്കാൾ സ്വാദ് കൂടുതൽ ആയിരുന്നു ഈ വർഷത്തെ പുത്തരിപ്പായസം എന്ന് ഭക്തർ സാക്ഷ്യപ്പെടുത്തി .ശരിയായ അളവിൽ തേങ്ങാ പാൽ ചേർത്തതോടെയാണ് പുത്തരി പായസം ഏറെ സ്വാദിഷ്ടമായത് മുൻ വർഷങ്ങളിൽ കൈ കൊണ്ടാണ് തേങ്ങാ ചിര കിയിരുന്നത് , ഈ വർഷം യന്ത്രം ഉപയോഗിച്ചാണ് തേങ്ങാ ചിരകിയത് , യന്ത്രം ഉപയോഗിച്ച് ചിര കുമ്പോൾ കാമ്പ് മുഴുവൻ ലഭിക്കും കൈ കൊണ്ട് ചിര കുമ്പോൾ പകുതിയിൽ അധികം കാമ്പും ചിരട്ടയിൽ തന്നെഉപേക്ഷിക്കുകയായിരുന്നു .അധ്വാന ഭാരം കുറക്കാൻ വേണ്ടിയാണ് തേങ്ങ ചിര കുന്ന വർ ഇങ്ങനെ ചെയ്തിരുന്നതത്രെ .