കടലിൽ കുടുങ്ങിയ വള്ളത്തിലെ 50 തൊഴിലാളികളെയും രക്ഷപെടുത്തി

ചാവക്കാട് : എൻജിൻ തകരാറിലായി കടലിൽ കുടുങ്ങിയ വള്ളവും 50 തൊഴിലാളികളെയും രക്ഷപെടുത്തി.. വ്യാഴാഴ്ച പുലർച്ചെ ചേറ്റുവ അഴിമുഖത്ത് നിന്നും 50 തൊഴിലാളികളുമായി മത്സ്യബന്ധനത്തിന് പുറപ്പെട്ട വലപ്പാട് സ്വദേശി ശശിധരന്റെ ഉടമസ്ഥതയിലുള്ള കാവടി എന്ന ഇൻബോർഡ് വള്ളം തളിക്കുളത്ത് നിന്നും 8 നോട്ടിക്കൽ മൈൽ അകലെ എൻജിൻ നിലച്ചു കടലിൽ കുടുങ്ങിയത്

അഴീക്കോട് ഫിഷറീസ് സ്റ്റേഷനിലേക്ക് വിളിച്ചറിയിച്ചതിനെ തുടർന്ന് ഫിഷറീസ് അസിസ്റ്റന്റ് ഡയറക്ടർ സുലേഖയുടെ നിർദ്ദേശപ്രകാരം ഫിഷറീസ് റെസ്ക്യൂ ബോട്ട് പുറപ്പെടുകയും വള്ളത്തിലെ 50 തൊഴിലാളികളെയും വള്ളത്തിനെയും രക്ഷപ്പെടുത്തി കരയിലെത്തിച്ചു.

എ.എഫ്.ഇ.ഒ. സാജൻ. എസ്, മറൈൻ ഫിഷറി വിംഗ് , റെസ്ക്യൂ ഗാർഡ് ഷെഫീക്ക്.ബി.എച്ച്, സ്രാങ്ക് റസാഖ് ഡ്രൈവർ ഉത്തപ്പ എന്നിവർ രക്ഷാപ്രവർത്തനത്തിന് പങ്ക് വഹിച്ചു.