യുവതിയുടെ വീട്ടിൽ നിന്നും സ്വർണം കവർന്ന ബന്ധുവായ മോഷ്ടാവിനെ പോലീസ് അറസ്റ്റ് ചെയ്തു.
ചാവക്കാട് : കടപ്പുറം അഞ്ച ങ്ങാടിയിൽ താമസിക്കുന്ന യുവതിയുടെ വീട്ടിൽ നിന്നും 50 ഗ്രാം സ്വർണം കവർന്ന ബന്ധുവായ യുവാവിനെ പോലീസ് അറസ്റ്റ് ചെയ്തു . അഞ്ച ങ്ങാടി കള്ളിപ്പറമ്പിൽ വീട്ടിൽ മുഹമ്മദ് മകൻ റഫീക്ക് 37 നെയാണ് ചാവക്കാട് പോലീസ് സ്റ്റേഷൻ ഇൻസ്പെക്ടർ കെ എസ് സെൽവരാജി ന്റെ നേതൃത്വത്തിൽ ഉള്ള സംഘം അറസ്റ്റ് ചെയ്തത് .
വാടക ക്വാർട്ടേസിൽ താമസിക്കുന്ന തേക്കെത്തറയിൽ മുഹമ്മദ് ഭാര്യ ഫൗസിയ (39)യുടെ വീട്ടിൽ നിന്നുമാണ് 50 ഗ്രാം സ്വർണവും ഒരു വെള്ളി മാലയും,12 പിച്ചളയുടെ ഫ്ലവർ വേയ്സുകൾ, 2500 രൂപ എന്നിവ യാണ് റഫീഖ് കവർന്നത് . കവർച്ച നടത്തിയ ശേഷം പ്രതി ഒളിവിൽ പോകുകയായിരുന്നു സ്വർണം ചാവക്കാട്ടെ സ്വകാര്യ സ്ഥാപനത്തിൽ വില്പന നടത്തി കൊടൈക്കനാൽ, ഊട്ടി എന്നീ സ്ഥലങ്ങളിൽ കറങ്ങിയ ശേഷം ഗുരുവായൂർ കിഴക്കേ നടയിലുള്ള ലോഡ്ജിൽ ഒളിച്ചു താമസിക്കുന്നതിനിടെയാണ് പോലീസിന്റെ പിടിയിലായത് .
ചാവക്കാട് എസ് ഐ സിനോജ് എസ്, എ എസ് ഇ സജീവൻ എം, സി പി ഒ മാരായ ആശിഷ് കെ, ശരത്ത് എസ്, നസൽ എൻ, റിജിൽ,എന്നിവരടങ്ങുന്ന സംഘമാണ് പ്രതിയെ പിടികൂടിയത്. അറസ്റ്റ് ചെയ്ത പ്രതിയെ കോടതിയിൽ ഹാജരാക്കി റിമാൻഡ് ചെയ്തു.