എസ് എസ് എൽ സി , പ്ലസ് ടു വിദ്യാർത്ഥികളെ അനുമോദിച്ചു

ഗുരുവായൂർ : നഗരസഭയുടെ നേതൃത്വത്തിൽ എസ് എസ് എൽ സി , പ്ലസ് ടു വിദ്യാർത്ഥികളെ അനുമോദിച്ചു . കോവിഡ് പ്രോട്ടോകോൾ പാലിച്ച് നടന്ന ചടങ്ങ് ചെയർപേഴ്സൺ എം രതി ഉദ്ഘാടനം ചെയ്തു . വൈസ് ചെയർമാൻ അഭിലാഷ് വി ചന്ദ്രൻ അദ്ധ്യക്ഷത വഹിച്ചു . ഐ എ എസ് റാങ്ക് നേടിയ ഗുരുവായൂർ സ്വദേശിനി റുസൈമ ഫാത്തിമ മുഖ്യാതിഥിയായിരുന്നു . സ്ഥിരം സമിതി അദ്ധ്യക്ഷരായ ടി എസ് ഷെനിൽ , എം എ ഷാഹിന , കൗൺസിലർമാരായ സുനിത അരവിന്ദൻ , രതി ജനാർദ്ദനൻ , ടി കെ സ്വരാജ് , പ്രിയ രാജേന്ദ്രൻ എന്നിവർ സംസാരിച്ചു . വിദ്യഭ്യാസ സ്ഥിരം സമിതി അദ്ധ്യക്ഷയായ ഷൈലജ ദേവൻ സ്വാഗതവും ബഷീർ പൂക്കോട് നന്ദിയും പറഞ്ഞു .