ആയുർവേദ ആശുപത്രിയിലെ രോഗികൾക്ക് വിദ്യാർത്ഥികളുടെ ഔഷധ കഞ്ഞി

ഗുരുവായൂർ : ആയുർവേദ ആശുപത്രിയിലെ രോഗികൾക്കും സന്ദർശകർക്കും വിദ്യാർത്ഥികളുടെ വക ഔഷധ കഞ്ഞി . അപ്പുമാസ്റ്റർ മെമ്മോറിയൽ ഹയർ സെക്കന്ററി സ്കൂൾ എൻ എസ് എസ് വിദ്യാർഥികൾ ആണ് ഔഷധ കഞ്ഞി വിതരണം നടത്തിയത് . ആയുർവേദ ആശുപത്രിയിൽ എത്തിയ രോഗികൾക്കും, സന്ദർശകർക്കും ഔഷധ കഞ്ഞിയും, പുഴുക്കും, ചമ്മന്തി യുമാണ് നൽകിയത് .

കഞ്ഞി വിതരണം ആശുപത്രി സീനിയർ മെഡിക്കൽ ഓഫീസർ ഡോ. ബട്ട് ഉദ്ഘാടനം ചെയ്തു. ഔഷധ കഞ്ഞി യുടെ പ്രാധാന്യത്തെ കുറിച്ച് അദ്ദേഹം വിശദീകരിച്ചു. ചടങ്ങിൽ സ്കൂൾ മാനേജർ വി. ബി. ഹീരാലാൽ, പി . ടി. എ പ്രസിഡന്റ്‌ എം. വി. ബിജു എന്നിവർ സംസാരിച്ചു. കഞ്ഞി വിതരണത്തിന് അദ്ധ്യാപകരായ സിന്ധു, ഷീജ എന്നിവർ നേതൃത്വം നൽകി .