ഗുരുവായൂരില്‍ സ്ത്രീകള്‍ക്ക് സ്വയം തൊഴില്‍ കണ്ടെത്താന്‍ ധന സഹായം നല്‍കുന്നു
ഗുരുവായൂര്‍ : നഗരസഭയുടെ ജനകീയാസൂത്രണ പദ്ധതിയില്‍ ഉള്‍പ്പെടുത്തി സ്ത്രീകള്‍ക്കായി സ്വയം തൊഴില്‍ ആരംഭിക്കുന്നതിന് ധനസഹായം നല്‍കുന്നു. 18 നും 60 നും മദ്ധ്യേ പ്രായമുള്ള വിധവകള്‍, വിവാഹബന്ധം വേര്‍പ്പെടുത്തിയവര്‍, ഭര്‍ത്താവ് ഉപേക്ഷിച്ചുപോയ സ്്തീകള്‍, 35 വയസിന് ശേഷവും അവിവാഹിതരായി തുടരുന്നവര്‍ എന്നിവര്‍ക്ക് അപേക്ഷിക്കാം. ഉത്പാദന – വ്യവസായ മേഖലകളില്‍ നിന്നായിരിക്കണം പ്രൊജക്റ്റ് തെരഞ്ഞെടുക്കേണ്ടത്. 75 ശതമാനം നിരക്കില്‍ സബ്‌സിഡി ലഭിക്കും. ഇത് പരമാവധി 50,000 രൂപയായിരിക്കും. അപേക്ഷകള്‍ ഡിസംബര്‍ 31 ന് മുന്‍പായി വാര്‍ഡ് കൗണ്‍സിലര്‍ കൈവശമോ, നഗരസഭയുടെ വ്യവസായ വികസന ഓഫീസറേയോ ഏല്‍പ്പിക്കേണ്ടതാണ്.
