സുപ്രീംകോടതി കൊളീജിയത്തില്‍ രാഷ്ട്രീയ ,സാമൂഹ്യ രംഗത്തെ പ്രഗത്ഭരെയും ഉള്‍പ്പെടുത്തണം : കെ വേണു

k venu damodaran

ഗുരുവായൂര്‍ : ജുഡീഷ്യറിയിലെ അപചയം തുറന്നു പറയാന്‍ ജഡ്ജി മാര്‍ തയ്യാറായത് ഒരു നല്ല നീക്കമാണ് എന്ന്‍ കെ വേണു അഭിപ്രായപ്പെട്ടു .തങ്ങള്‍ക്ക് മേലെ ആരുമില്ലെന്ന ധാരണ ഏതാനുംജഡ്ജിമാര്‍ ചോദ്യം ചെയ്യപ്പെട്ടതോടു കൂടി ജുഡീഷ്യറിക്ക് ഒരു വഴിത്തിരിവ് ആണ് ഉണ്ടാക്കിയതെന്നും അദ്ദേഹം പറഞ്ഞു . സുപ്രീംകോടതിയിലെ കൊളീജിയത്തിനു പകരം രാഷ്ട്രീയ ,സാമൂഹ്യ രംഗത്തെ പ്രഗത്ഭരെയും കൂടി ഉള്‍പ്പെടുത്തി കൊണ്ടുള്ള കൊളീജിയമാണ് രൂപീകരിക്കേണ്ടത് . ഇത് ഇന്നല്ലെങ്കില്‍ നാളെ ഉണ്ടാകുമെന്ന് നമുക്ക് പ്രത്യാശിക്കാമെന്നും വേണു കൂട്ടിച്ചേര്‍ത്തു . ഗുരുവായൂരിലെ രാഷ്ട്രീയ വിമര്‍ശകനും എഴുത്ത് കാരനുമായ സി എം ദാമോദരന്റെ എഴുപതാം പിറന്നാള്‍ ദിനത്തില്‍ സുഹൃത്തുക്കള്‍ സംഘടിപ്പിച്ച സുഹൃത് സംഗമം ഗോകുലം ശബരിയില്‍ ഉല്‍ഘാടനം ചെയ്ത് സംസാരിക്കുകയായിരുന്നു കെ വേണു . ദാമോദരന്‍ എഴുതിയ ചിതറിയ ചിന്തകള്‍ എന്ന സമാഹാരം ആലങ്കോട് ലീലാകൃഷ്ണന്‍ എഴുത്തുകാരന്‍ ശത്രുഘ്നന് നല്‍കി പ്രകാശനം ചെയ്തു . ഗോകുലം ഗോപാലന്‍ , സുകുമാരന്‍ പുറന്തേടത്ത് , കുട്ടി കൃഷ്ണന്‍ നാരായണ നഗരം , അപ്പുകുട്ടി വടകര , രാധാകൃഷ്ണന്‍ കാക്കശ്ശേരി ,സംസ്ഥാന പത്രപ്രവര്‍ത്തക യൂണിയന്‍ മുന്‍ സംസ്ഥാന ആധ്യക്ഷന്‍ ജെ അജിത്‌ കുമാര്‍ , മല്ലിശ്ശേരി പരമേശ്വരന്‍ നമ്പൂതിരിപ്പാട്‌ ,അഡ്വ എ വേലായുധന്‍ ,ക്യാപ്റ്റന്‍ എം ജയപ്രകാശ് ,അഡ്വ സി വത്സലന്‍ , കെ വി മോഹന കൃഷ്ണന്‍ , ഷാജു പുതൂര്‍ പഴയകാല സിനിമ നടന്‍ ജബ്ബാര്‍ എന്നിവര്‍ സംസാരിച്ചു . ചടങ്ങില്‍ രാജന്‍ പാലക്കാട്‌ , കെ ജി മാസ്റ്റര്‍ , പാങ്ങില്‍ ഭാസ്കരന്‍ ,ശിവ പ്രസാദ്‌, കാര്‍ത്തികേയന്‍ , വേലപ്പന്‍ , തുടങ്ങിയവരെ ആദരിച്ചു

Leave a Reply

Your email address will not be published. Required fields are marked *

three + one =

Sponsors