Category Archives: Business

സിമന്‍റ് വിലകയറ്റം : ഇറക്കുമതി സാധ്യത തേടി കെട്ടിട നിര്‍മാതാക്കള്‍

കൊച്ചി: നിർമാണ കമ്പനികൾ കൂട്ടായി സിമൻറ് വില കുത്തനെ വർധിപ്പിച്ച സാഹചര്യത്തിൽ വിദേശ സിമൻറിന്റെവ സാധ്യത തേടി നിർമാണ കമ്പനികൾ. ഒപ്പം, കോംപറ്റീഷൻ കമീഷൻ ഓഫ് ഇന്ത്യെയയും പ്രധാനമന്ത്രി നരേന്ദ്ര മോദിയെയും പരാതിയുമായി സമീപിക്കാനും തീരുമാനമുണ്ട്. കെട്ടിട നിർമാണ രംഗത്ത് പ്രവർത്തിക്കുന്ന കമ്പനികളുടെ കൂട്ടായ്മയായ കോണ്ഫെദഡറേഷന്‍ ഓഫ് റിയല്‍ എസ്‌റ്റേറ്റ് ഡെവലപേഴ്‌സ് ഓഫ് ഇന്ത്യ (ക്രെഡായ്) ദേശീയ നേതൃത്വമാണ് സിമൻറ് കമ്പനികളുടെ അകാരണമായ വില വർധന നീക്കത്തിനെതിരെ പരാതിയുമായി രംഗത്തുള്ളത്. സിമൻറ് ഇറക്കുമതി സാധ്യത പരിശോധിക്കാൻ ക്രെഡായ് പ്രതിനിധി സംഘത്തെയും നിയോഗിച്ചിട്ടുണ്ട്. വിദേശത്തെ ചില കമ്പനികളുമായി ഇതിനകം ചർച്ചയാരംഭിച്ചതായാണ് സൂചന.

2014ൽ സിമൻറ് നിർമാണ കമ്പനികൾ ഒത്തുചേർന്ന് വില കുത്തനെ വർധിപ്പിച്ചപ്പോൾ ക്രെഡായ് കോംപറ്റീഷൻ കമീഷൻ ഒാഫ് ഇന്ത്യയെ സമീപിച്ചിരുന്നു. തുടർന്ന്, സംഘം ചേർന്ന് വില വർധിപ്പിക്കുന്നതിനെതിരെ മുന്നറിയിപ്പ് നൽകുകയും അകാരണമായി വർധിപ്പിച്ച വില കുറക്കാൻ നിർദേശിക്കുകയും ചെയ്തിരുന്നു. അന്ന് ചില സംസ്ഥാനങ്ങളിൽ മാത്രമായിരുന്നു വില വർധനയെങ്കിൽ, ഇക്കുറി രാജ്യമാകെ നടപ്പിൽവരുംവിധമാണ് സിമൻറ് കമ്പനികൾ വില വർധിപ്പിച്ചിരിക്കുന്നത്. ചരക്ക് സേവന നികുതി പ്രാബല്യത്തിൽ വരുന്നതിന് മുന്നോടിയായാണ് ഇത് എന്നാണ് സൂചന. ഇൗ സാഹചര്യത്തിലാണ് വിലവർധനക്കെതിരെ ദേശീയതലത്തിൽതന്നെ പ്രതിഷേധം ഉയരുന്നത്.

ഇതോടൊപ്പം, കേന്ദ്രം പ്രഖ്യാപിച്ച ‘എല്ലാവർക്കും വീട്’ പദ്ധതി തകിടംമറിക്കുന്നതാണ് സിമൻറ് കമ്പനികളുടെ നീക്കമെന്ന് വ്യക്തമാക്കി പ്രധാനമന്ത്രിക്ക് പരാതി നൽകും. സിമൻറിന് കൃത്രിമക്ഷാമമുണ്ടാക്കി വില വർധിപ്പിക്കുന്നതിന്റെ. ഭാഗമായി ചില കമ്പനികൾ ഉൽപാദനം വെട്ടിക്കുറച്ചുവെന്ന സൂചനകളും പുറത്തുവരുന്നുണ്ട്. വില കുറപ്പിക്കുന്നതിനുള്ള നീക്കങ്ങൾക്ക് സമാന്തരമായാണ്, പ്രശ്നത്തിന് സ്ഥിരം പരിഹാരമെന്ന നിലക്ക് വിദേശ സിമൻറിെൻറ സാധ്യതകളും ആരായുന്നത്.

ചൈന, ബംഗ്ലാദേശ്, ഇറാൻ, ദക്ഷിണ കൊറിയ തുടങ്ങിയ രാജ്യങ്ങളിൽനിന്ന് കുറഞ്ഞ വിലയ്ക്ക് സിമൻറ് കിട്ടുമെന്നും ഇറക്കുമതിച്ചെലവും വിവിധ നികുതികളും കൂട്ടിച്ചേർത്താൽപോലും 50 കിലോ ബാഗിന് 220 രൂപയേ വിലവരൂ എന്നുമാണ് നിർമാണ രംഗത്തുള്ളവരുടെ കണക്കുകൂട്ടൽ. തെലുങ്കാനയിൽ ക്രെഡായ് ചാപ്റ്റർ, ബിൽഡേഴ്സ് അസോസിയേഷൻ, ഡെവലപേഴ്സ് അസോസിയേഷൻ എന്നിവ കൂട്ടായ്മ രൂപവത്കരിച്ച് ഇതിനുള്ള നീക്കങ്ങൾക്ക് തുടക്കംകുറിച്ചിട്ടുമുണ്ട്. വിവിധ കെട്ടിട നിർമാണ കമ്പനികൾ പരസ്പരം സഹകരിച്ച് വിദേശത്തുനിന്ന് കപ്പലിൽ സിമൻറ് എത്തിക്കുന്നത് സംബന്ധിച്ചാണ് ചർച്ച നടക്കുന്നത്. അതിനിടെ, അകാരണമായി വിലവർധിപ്പിക്കാനുള്ള സിമൻറ് നിർമാണ കമ്പനികളുടെ നീക്കം സംബന്ധിച്ച് നേരേത്തതന്നെ സംസ്ഥാന സർക്കാറിനെ അറിയിച്ചിരുന്നതായി ക്രെഡായ് കേരള ചാപ്റ്റർ ചെയർമാൻ ഡോ. നജീബ് സക്കറിയ പറഞ്ഞു.

പുതിയ വിപ്ലവത്തിന് വഴിയൊരുക്കി ഐഡിയയും വോഡാഫോണും ലയിക്കുന്നു

ന്യൂഡല്‍ഹി: ടെലികോം രംഗത്ത് പുതിയ വിപ്ലവത്തിന് വഴിയൊരുക്കി രാജ്യത്തെ മുന്‍നിര ടെലികോം സേവനദാതാക്കളായ ഐഡിയയും വോഡഫോണും ലയിക്കുന്നു.ഇതിനായി ആദിത്യ ബിര്‍ളാ ഗ്രൂപ്പുമായി ചര്‍ച്ചകള്‍ നടന്നു വരികയാണെന്ന് വോഡഫോണ്‍ ഗ്രൂപ്പ് സ്ഥിരീകരിച്ചു.ലയനം പ്രാബല്യത്തിലായാല്‍ ഉപഭോക്താക്കളുടെ  എണ്ണം 39 കോടിയോളമാകും. അതായത് രാജ്യത്തെ ഏറ്റവും കൂടുതല്‍ ഉപയോക്താക്കളുളള എയര്‍ടെല്ലിനെ (27 കോടി) പിന്നിലാക്കാന്‍ ലയനം കാരണമാകും.

ലയന വാര്‍ത്ത പുറത്തുവന്നതോടെ ഐഡിയയുടെ ഓഹരി വില 25 ശതമാനം കുതിച്ച് 100 രൂപയായിആറ് മാസമായി രാജ്യത്ത് സൗജന്യ സേവനം ലഭ്യമാക്കി ഉപഭോക്താക്കളുടെ എണ്ണത്തില്‍ വന്‍വര്‍ധന നേടിയ റിലയന്‍സ് ജിയോയ്ക്ക് ഈ ലയനം വെല്ലുവിളിയാകും. നിലവില്‍ ജിയോക്ക് 7.2കോടി വരിക്കാരാണുള്ളത്.രാജ്യത്തെ ഏറ്റവും വലിയ സ്വകാര്യ ടെലികോം സേവനദാതാക്കളായ എയര്‍ടെല്ലിനും ഈ ലയനം തിരിച്ചടിയാകും. നിലവില്‍ 24 ശതമാനം വിപണി വിഹിതത്തോടെ എയര്‍ടെലാണ് രാജ്യത്തെ ഏറ്റവും വലിയ മൊബൈല്‍ കമ്പനി.

19 ശതമാനം വിപണി വിഹിതമുള്ള വൊഡാഫോണും 17 ശതമാനം വിപണി വിഹിതമുള്ള ഐഡിയയും ലയിക്കുന്നതോടെ പുതിയ കൂട്ടുകെട്ടായിരിക്കും രാജ്യത്തെ ഏറ്റവും വലിയ മൊബൈല്‍ സേവന ദാതാക്കള്‍.സൗജന്യ ഓഫറുകളുമായി പ്രവര്‍ത്തനം തുടങ്ങിയ റിലയന്‍സ് ജിയോയിലേക്ക് ഉപഭോക്താക്കാള്‍ മാറിയതോടെ മറ്റ് മൊബൈല്‍ ഫോണ്‍ സേവനദാതാക്കളെല്ലാം കടുത്ത പ്രതിസന്ധിയാണ് നേരിടുന്നത്. ഒറ്റക്ക് പ്രവര്‍ത്തനം മുന്നോട്ട് കൊണ്ടു പോകാനാകില്ലെന്നുറപ്പായതോടെയാണ് വൊഡാഫോണ്‍ ലയനത്തിന് ഒരുങ്ങാന്‍ തീരുമാനിച്ചത്.1.74 ലക്ഷം കോടി രൂപ മൂല്യം വരുന്നതാണ് ഇന്ത്യന്‍ ടെലികോം വിപണി

നാടിന്റെ നന്മയൂറും പലഹാരങ്ങള്‍……..

കേരളത്തിന്റെ തനതു പലഹാരങ്ങള്‍ എന്നും ഗൃഹാതുരത്വം ഉണര്‍ത്തുന്നവയാണ്. സ്‌കൂള്‍ വിട്ടു വരുമ്പോഴേക്കും അമ്മൂമ്മ ഉണ്ടാക്കി വച്ചിരുന്ന അച്ചപ്പവും കൊഴക്കട്ടയുമെല്ലാം നിറമുള്ള ഓര്‍മകളാണ്… ഒരുപക്ഷേ സ്‌കൂള്‍ വിട്ടുള്ള പല ഓട്ടങ്ങളും ആ ഗൃഹാതുരത്വം ഉണര്‍ത്തുന്നവയാണ്. സ്‌കൂള്‍ വിട്ടു വരുമ്പോഴേക്കും അമ്മൂമ്മ ഉണ്ടാക്കി വച്ചിരുന്ന അച്ചപ്പവും കൊഴക്കട്ടയുമെല്ലാം നിറമുള്ള ഓര്‍മകളാണ്… ഒരുപക്ഷേ സ്‌കൂള്‍ വിട്ടുള്ള പല ഓട്ടങ്ങളും ആ പലഹാരങ്ങള്‍ക്കു വേണ്ടുയുള്ളതായിരുന്നില്ലേ………